Popular Bible Verses from Aoǁnâ-aob 5

Share

Tā ǃhae ǃhoas ǃaroma, tā Elob aiǃâ ǃnoesase mîmâina dī. Eloba ǀhommi ǃnâ tsîts satsa ǃhūbaib ai hâ xuige a di sa mîde ǀoro.

Elob ga khoe-e ǃkhūsib tsî ūhâxūna mā ǁîn ǃnâ i nî ǃgâiǃgâisense, o i ge ǁî-e ganganxa tsî ǁîna i ge sîsenba xūn di ǃgâiba nî ǀama. Elob huib ose i ge khoe-e nē ǀkhaega ǀama, ǁîn di mādawa-amde ūǃoa tamas ka io amab ǃnâ ǁîn di sîsenni ǃnâ ǃgâiǃgâisen ǁoa.

Mari-ets ga ǀnam ots ge tātsēs tsîna ǂâu tama hâ, tsî ǃkhūsiba ǀnam-i ge tātsēs tsîna ǁî-i hōǂgās ǀkha ǂkhî tama hâ. Nēs tsîn ge a harebeoǃnâ.

Sa ǂaide Elob ommi ǃoats ga ǃgûo ǃûi îts ǀgū, tsî gâre khoen, ǂkhabasen ra dī ǃkhaisa ǀūse ra ǁguiba ǀgaus ais ose, xawe ǃgâ tsî nî ǁkhāǁkhāsense sī re.

Elobats ga mîmâiba, o tā ǁîsa dīǀoaǀoas ǀkha ǀhabe. ǁÎb gâre khoen ǃnâ ǃgâiǃgâibasensa ūhâ tama xuige sa nūsa dīǀoaǀoa.

ǃGâi i ge a mî tama isa, mîmâi tsîs nî dīǀoaǀoa tama is xa.

Sîsenao-i ge ǂkharise iga ūhâs, ǃnāǂamsasib ǃnâ iga ūhâs hoasa sâsase ra ǁom. Xawe ǃnāǂamsasib ǃkhū hâ khoe-i dib ge ǁî-e ǂomsa ra ǀgara.

ǀŌǀkhāse i ge ǃhūbaib ai hās ǁkhās khami i ge nîra ǁaru, tsî-i ge ǀgui xū-i ǁî-i ǀhupub di-i tsîna ǃomǁae ūhâ tide.