Popular Bible Verses from Mt 8

Share

Ut a'an kixye reheb': —K'a'ut naq nekexxiwak laa'ex li jwal kach'in leepaab'aal? Toja' naq kiwakliik, kixq'us li iq' ut li palaw, ut ch'anaamil kikanaak.

Kichaq'ok li xjolomileb' laj puub': —At Qaawa', moko ink'ulub' ta naq tat-ok rub'el linmuheb'aal; ka'ajwi' taaye laawaatin ut taak'iraaq linmoos.

Naq li Jesus kirab'i a'in, kisachk xch'ool ut kixye reheb' li yookeb' chi taaqenk re: —Relik chi yaal ninye eere naq maajun aj Israel intawom wi' xnimal paab'aal jo' a'in.

Chirix a'an kixye li Jesus re li xjolomileb' laj puub': —Ayu ut chi'uxq aawe jo' naq xapaab'. Ut kik'iraak li xmoos sa' ajwi' li honal a'an.

Sachsookeb' xch'ool eb' li winq ut yookeb' chi xyeeb'al: —K'a' chi winqul a'in naq a'atq li iq' ut li palaw neke'paab'ank chiru?