Popular Bible Verses from Mt 7

Share

“Chextz'aamanq ut k'eek'ooq eere; chexsik'oq ut teetaw; chexb'oqoq chire kab'l ut tehe'q cheru.

Xb'aan naq chixjunil li natz'aamank nak'uluk; li nasik'ok natawok, ut li nab'oqok chire kab'l natehe'k chiru.

“Jo'kan utan, chixjunil li na'ab'ink reheb' li waatin a'in ut naxk'anjela ru, chanchanaq li winq wank xna'leb' li kikab'lak sa' xb'een pek.

“Jo'ch'inal jo'nimal li teeraj raj naq te'xb'aanu eere leeras eeriitz'in, cheb'aanuhaq ajwi' laa'ex reheb' a'an, xb'aan naq a'an a'in xyaalal li Chaq'rab' ut eb' li Propeet.

Ab'an q'axal laatz' ru li okeb'aal ut kach'in ru li b'e nak'amok sa' li yu'amej, ut ink'a' k'iheb' li neke'tawok re.

“Okanqex sa' li okeb'aal kach'in ru xb'aan naq nim ru li okeb'aal ut nim ru li b'e nak'amok sa' li kamk chi junelik, ut naab'aleb' li neke'ok aran.

Jo'kan utan, wi laa'ex li moko chaab'ilex ta nekenaw xk'eeb'al li chaab'il simaatan reheb' leeralal eek'ajol, ma toja' ta chik leechoxahil Yuwa' ink'a' tixk'e li q'axal chaab'il reheb' li neke'tz'aamank chiru!

“Mexraqok aatin re naq ink'a' taaraqmanq aatin sa' eeb'een. Xb'aan naq jo' chanru nekexraqok aatin laa'ex, jo'kan ajwi' naq taaraqmanq aatin sa' eeb'een; ut rik'in li b'isleb' nekexb'isok wi', texb'ise'q ajwi' laa'ex.

Ut chixjunil li na'ab'ink reheb' li waatin a'in ut ink'a' naxk'anjela ru, chanchanaq li winq maak'a' xna'leb' li kikab'lak sa' xb'een samahib'.

“K'a'ut naq nakawil li mul li wank sa' ru laawas aawiitz'in ut ink'a' nakak'e reetal li tz'amb'a wank sa' laawu laa'at? Chan put ru naq taaye re laawas aawiitz'in: «Wisihaq wan li mul sa' laawu», ut wank li tz'amb'a sa' laawu laa'at?

“Chekolaq eerib' chiruheb' li propeet aj b'alaq': neke'chalk eerik'in chi tiqtookeb' chaq rik'in rix karneer, ab'an sa'eb' li xch'ool chanchaneb' li josq' aj xojb'. Rik'in li te'ruuchin teenaweb' ru. Ma nasik'mank tab'i' li uub' sa' li k'ix malaj eb' li iig sa' li pajl?

Jo'kan naq chixjunil li chaab'il che' chaab'il li ru naxk'e, ab'an li che' ink'a' us ink'a' ajwi' us li ru naxk'e.

Junaq chaab'il che' ink'a' naruuchin li ink'a' us, chi moko naru naq li ink'a' usil che' chaab'il ta li ru tixk'e.

Chixjunil li che' ink'a' us li ru naxk'e, taayok'manq ut taakutmanq sa' xam.