Popular Bible Verses from Mt 13

Share

Li ki'awmank sa' chaab'il ch'och' a'an li narab'i li Aatin ut naxtaw ru; a'an na'uuchink: wan naxk'e o'k'aal, wan oxk'aal ut wan chik lajeeb' xka'k'aal li junjunq chi iyaj”.

Li ki'awmank sa' li k'ix ru a'an li narab'i li Aatin, ab'an li k'oxlak chirix li k'a'aq re ru wank sa' ruuchich'och' ut li nab'alaq'ink wi' li b'ihomal naxnat' li Aatin, ut ink'a' chik na'uuchink xb'aan.

Chixjunileb' li neke'rab'i li aatin chirix li xnimajwal awab'ejihom li Yos ut ink'a' neke'xtaw ru, nachalk li maa'us rik'ineb' ut nokolxsaapu li awb'il sa' xch'ooleb': a'an a'in li ki'awmank chire li b'e.

Li ki'awmank sa' pek ru, a'an li narab'i li Aatin ut naxk'ul chi junpaat chi sa sa' xch'ool; ab'an maak'a' xxe' rik'in ut ink'a' najt naxkuy. Ut naq nachalk junaq raaxiik' malaj rahob'tesiik sa' xk'ab'a' li Aatin, sa' junpaat nach'inank xch'ool.

“Li xnimajwal wankilal li choxa chanchan jun nimla b'ihomal muqmu sa' ch'och' li kitawe'k xb'aan jun li winq. A'an kixmuq wi' chik ut, xb'aan xsahil li xch'ool, koho, koxk'ayi chaq chixjunil li k'aru wank re ut kixloq' li ch'och' a'an.

Wan chik iyaj kinaqk sa' chaab'il ch'och' ut ki'uuchink; wan kixk'e o'k'aal, wan oxk'aal ut wan chik lajeeb' xka'k'aal.

Kanab'omaqeb' wan chi k'iik chi xkab'ichaleb' toj sa' li q'olok. Ut sa' xq'ehil li q'olok tinye reheb' laj q'olonel: Xokomaq xb'enwa li yib' aj pim, ut b'ak'omaq chi joob' re k'ate'k; ut li triiw ch'utub'omaq sa' li k'uuleb'aal»”.