Popular Bible Verses from Mt 10

Share

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

Ani naraj xkolb'al li xyu'am, taasachq chiru; a'ut li tixsach li xyu'am sa' ink'ab'a', a'an tixtaw li junelik yu'am.

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Ani ink'a' naxchap li xkrus ut tinxtaaqe, a'an moko xk'ulub' ta wank cho'q intzolom.

“Yalaq ani taayehoq chiruheb' li tenamit naq naxnaw wu, tinye ajwi' laa'in naq ninnaw ru chiru linchoxahil Yuwa'. Ab'an li taatz'eqtaananq we chiruheb' li tenamit, tintz'eqtaana ajwi' laa'in chiru linchoxahil Yuwa'.

Chek'irtasiheb' li yaj, chewaklesi chi yo'yo eb' li kamenaq, chek'irtasiheb' li saqlep rixeb' ut cherisiheb' li maa'us aj musiq'ej. Chi maatan xek'ul, ut chi maatan ajwi' teek'e.

Mexxiwak b'i': q'axal terto eetz'aq chiru naab'aleb' li kok' xul.

“Meek'oxla naq xinchalk ta sa' ruuchich'och' chi xk'eeb'al li tuqtuukil usilal. Ink'a' xinchalk chi xk'eeb'al li tuqtuukilal, a'an b'an li ch'iich'.