Popular Bible Verses from Gn 35

Share

Chirix chik a'an kixye: “Laa'in li Nimajwal Yos. Chiwanq aawalal aak'ajol ut chatk'ihanq. Jun tenamit ut xk'ihaleb' li poyanam te'yo'laaq aawik'in, ut wankeb' awab'ej te'elje'q aawik'in. Li ch'och' li xink'e re laj Abrahán ut re laj Isahak tinq'axtesi aawe jo' ajwi' reheb' laawalal aak'ajol chirix laakamik”.

Yo'qeb' sa' junpaat sa' li na'ajej Betel, xb'aan naq aran toxinyiib' jun li artal cho'q re li Yos li kitenq'ank we sa' xq'ehil xrahilal linch'ool ut xinrochb'eeni sa' linb'eenik”.

“Laak'ab'a' laa'at a'an aj Jakob, ab'anan ink'a' chik taak'ab'a'in Jakob, aj Israel b'an chik taak'ab'a'in”, chan li Yos. Ut aj Israel kixk'e cho'q xk'ab'a'.

Toja' naq laj Jakob kixye reheb' li wankeb' sa' rochoch jo' ajwi' reheb' chixjunil li rochb'een: “Isihomaq chixjunileb' li jalanil yos li wank eerik'in. Chech'ajob'resi eerib' ut jalomaq leeraq'.

Li Yos kixye re laj Jakob: “Xaqlin, taqen Betel ut kanaaqat aran. Toxaayiib' jun li artal cho'q re li Yos li kixk'utb'esi rib' chawu naq kat-elelik chiru laj Esaú laawas”.

Ut sa' relik xch'ool, naq kamk re, lix Rakel kixk'e aj Ben-Oní cho'q xk'ab'a' li k'uula'al; ab'an li xyuwa' aj Benjamín kixk'e cho'q xk'ab'a'.