Popular Bible Verses from Mateo 4

Share

—Inca, co nohuantërahuëꞌ. Yosë quiricanënquë pënëninpoaꞌ. “Co cosharoriáchin piyapi ananpirinhuëꞌ. Yaꞌipi Yosë noninsoꞌ natëhuachin tëhuëchinsoꞌ, nanpiarin,” tënin, itërin.

—Inca co nohuantërahuëꞌ. Quëmasoꞌ sopai huaꞌanquën. Patoco huachi. Yosë quiricanën quëran shaꞌhuitërinpoaꞌ: “Sinioroíchin chinotëquëꞌ. Inasáchin natëcasoꞌ yaꞌhuërin,” tënin, itërin Quisosori.

—Inca co nohuantërahuëꞌ. Yosë quiricanënquë pënëninpoaꞌ. “Ama Yosë tëniquësohuëꞌ. Ama camaiquësohuëꞌ. Ina nohuantërinsoáchin yonquicasoꞌ yaꞌhuërin,” tënin quiricanënquë, itërin Quisosori.

Ina quëran Ispirito Santori Quisoso quëparin inotëro parti sopairi tënicaso marëꞌ. Catapini shonca tahuëri tashirë chachin inaquë yaꞌhuaponahuëꞌ, co mantaꞌ caꞌninhuëꞌ. Ina piquëran tanarin huachi.

—Huëcoꞌ iyaroꞌsaꞌ, imaquico aꞌchinchinquëmaꞌ. Sami manamaso pochachin piyapiꞌsaꞌ masaramaꞌ Yosë imacaiso marëꞌ, itërin Quisosori. Napotohuachina, ritinënapita patahuatonaꞌ, Quisoso imasapi huachi.

Naporo quëran huarëꞌ Quisosori pënënarin. —Iso tahuëriꞌsaꞌ Yosë yahuaꞌanëntarinquëmaꞌ. Napoaton yaꞌipi co noyahuëꞌ yonquiramasopita naniantatomaꞌ, Yosë chachin tahuërëtaantaco huachi, itëraꞌpiarin pënënaton.