Popular Bible Verses from Mk 14

Share

Ut kixye: “Abbá, at inYuwa', maak'a' ch'a'aj chawu laa'at: chawisi wik'in li sek' a'in. Ab'an moko jo' ta li nawaj laa'in, jo'aq b'an li nakawaj laa'at”.

Yo'lenqex ut tijonqex re naq mext'ane'k sa' li aaleek: li musiq'ej yo'oon wank, a'ut li tz'ejwalej lub'lub' wank.

Relik chi yal ninye eere: yalaq ta b'ar sa' ruuchich'och' taapuktesimanq wi' li Chaab'il Esilal, taayeemanq ajwi' resil li xb'aanu li ixq a'in re xpatz'b'alaq.

Kixye reheb': —K'ajo' xrahil li waanm, ka'aj chik maa ninkamk! Kanaaqex arin ut yo'lenqex.

Ut naq yookeb' chi wa'ak, kixchap li wa, kiyoxink sa' xb'een, kixjachi, kixk'e reheb' ut kixye: —K'ulumaq, a'an a'in lintz'ejwal.

Chirix chik a'an kixchap jun li uk'leb'-sek', kiyoxink, kixk'e reheb', ut chixjunileb' ke'uk'ak. Ut kixye reheb': —A'an a'in linkik'el re li Sumwank, hoyb'il sa' xk'ab'a' chixjunileb'.

Ut li Jesus kixye reheb': —Chejunilex taaluktaaq eech'ool xb'aan naq tz'iib'anb'il: «Tintiq' laj k'aak'alenel karneer, ut eb' li karneer te'xcha'cha'i rib'eb'».

Waklinqex! Yo'qeb'! We' chaq li taaq'axtesinq we.

Li Jesus kixye re: —Relik chi yaal ninye aawe naq hoon ajwi', chiru li q'oqyink a'in, toj maji'aq nayaab'ak ka'sutaq li tzo' kaxlan, akaq xaye ox sut naq ink'a' nakanaw wu.