Popular Bible Verses from Mk 13

Share

Ut chixjunileb' xik' te'iloq eere sa' ink'ab'a'; ab'an li tixk'e xch'ool toj sa' roso'jik, a'an taakole'q.

“Yo'oon wanqex, chexyo'leq xb'aan naq ink'a' nekenaw jo'q'e li xq'ehil.

Naq texk'ame'q chi q'axtesiik, mixik eech'ool chi xk'oxlankil chi rub'elaj k'aru toxeeye, cheyehaq b'an li taak'ehe'q eere sa' li honal a'an: xb'aan naq moko laa'ex ta tex'aatinaq, a' b'an li Santil Musiq'ej.

Li choxa ut li ruuchich'och' te'oso'q, a'ut li waatin ink'a' taanume'q.

“A'ut chirix li kutan a'an malaj li xhonalil, maa'ani nanawok jo'q'e, chi moko eb' li ánjel sa' choxa, chi moko li K'ajolb'ej, ka'ajwi' li Yuwa'b'ej.

“Naq teerab'ihatq naq yooq li kamsij ib' malaj ut yal resil li yalok, mexxiwak: tento taak'ulmanq a'in; ab'an toj maji'aq li roso'jik.

Chexyo'leq b'i', xb'aan naq ink'a' nekenaw jo'q'e taak'ulunq laj eechal kab'l, ma ewu ta, malaj tuqtuuq q'oqyink, malaj sa' xb'een xyaab' li tzo' kaxlan, malaj ut naq yooq chi hik'e'k. Mare anchal tol'elq chi junpaat ut tolexxtaw chi wark. Li ninye eere, ninye ajwi' reheb' chixjunil: Chexyo'leq!”.

Xb'aan naq te'waklije'q chi xkamsinkil rib'eb' tenamit rik'in jalan chik tenamit, li awab'ej rik'in jalan chik awab'ej; talaje'wanq hiik sa' naab'al chi na'ajej ut taawanje'q we'ej: a'inaq xtiklajik li nimla rahilal.

Ut tento xb'enwa taapuktesimanq li Chaab'il Esilal sa'atqeb' chixjunil li tenamit.

Naab'aleb' te'chalq ut te'roksi link'ab'a': «Laa'inin», cha'qeb'; ut naab'aleb' te'b'alaq'iiq.

“A'ut laa'ex cherilaq eerib'. Texq'axtesiiq sa' ruq'eb' li xninqaleb' ru aj raqol aatin jo'wi' sa' ruq'eb' laj jolominel reheb' li ch'utleb'aal kab'l; texsak'e'q ut texxaqab'aaq chiruheb' li ninqeb' xwankil ut eb' li awab'ej sa' ink'ab'a', re xch'olob'ankil li yaal chiruheb'.

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

“Ab'an sa'eb' li kutan a'an, naq akaq xk'ulmank li nimla rahilal a'an, li saq'e taaq'oqyino'q ru, li po ink'a' chik taasaqeno'q ru; eb' li chahim sa' choxa te't'anje'q chaq ut li xwankilal li choxa taachiq'chiq'iiq sa' xna'aj.