Popular Bible Verses from Lk 4

Share

“Li xMusiq' li Qaawa' wank sa' inb'een xb'aan naq xinxyul re xyeeb'al li Chaab'il Esilal reheb' li neb'a'. Xinxtaqla chaq chi xpuktesinkil resil li kolb'a ib' reheb' li wankeb' sa' tz'alam, chi xyeeb'al resil reheb' li mutz' naq te'iloq wi' chik, chi rach'ab'ankil li rahob'tesinb'ileb' ut xpuktesinkil jun santil chihab' sa' xk'ab'a' li Qaawa'”.

Kichaq'ok li Jesus ut kixye re: —Tz'iib'anb'il sa' li Santil Hu naq taaloq'oni ru li Qaawa' laaYos ut ka'ajwi' chiru a'an tatpaab'anq.

Kichaq'ok li Jesus ut kixye re: —Tz'iib'anb'il sa' li Santil Hu naq moko ka'aj ta wi' rik'in wa yo'yooq li winq.

Li Jesus, nujenaq chi Santil Musiq'ej, ki'elk chaq chire li nima' Jordán ut kik'ame'k xb'aan li Musiq'ej sa' li chaqich'och'.

Kichaq'ok li Jesus ut kixye re: —Tz'iib'anb'il ajwi': «Maayal rix li Qaawa' laaYos».

Ut naq kiraqe'k laj tza chi xyalb'al raalenkil, ki'elk rik'in li Jesus toj tixtaw chik tz'aqal xhonalil.

Chirix a'an laj tza kixk'am li Jesus taqe'q ut kixkutb'eke chiru chixjunileb' li xninqal ru tenamit li wank sa' ruuchich'och'; ut kixye re: —Tink'e aawe chixjunil a wankilal ut a loq'al a'in, xb'aan naq q'axtesinb'il sa' wuq' ut li ani twaj xk'eeb'al wi' tink'e re. Jo'kan utan, wi taahupub' aawib' chinloq'oninkil, aawehaq chixjunil. Kichaq'ok li Jesus ut kixye re: —Tz'iib'anb'il sa' li Santil Hu naq taaloq'oni ru li Qaawa' laaYos ut ka'ajwi' chiru a'an tatpaab'anq.

Toja' naq laj tza kixk'am li Jesus Jerusalén, koxxaqab' sa' ru'uj li rochoch li Yos ut kixye re: —Wi laa'at Ralal li Yos, kut aawib' taq'a, xb'aan naq tz'iib'anb'il sa' li Santil Hu: «Tixtaqlaheb' chaq li x'ánjel chawilb'al». Tz'iib'anb'il ajwi': «Tate'xk'am sa' ruq'eb' re naq ink'a' taatoch' laawoq chiru pek». Kichaq'ok li Jesus ut kixye re: —Tz'iib'anb'il ajwi': «Maayal rix li Qaawa' laaYos».