Popular Bible Verses from Stg 4

Share

Jo'kan utan, cheq'axtesi eerib' rub'el roq rub'el ruq' li Yos; kawaqex chiru laj tza, ut a'an taa'eleliq cheru.

Jilonqex chi xk'atq li Yos, ut a'an taajiloq chek'atq. Ex aj maak, ch'ajomaq leeruq'. Laa'ex li nachalk naxik leek'a'uxl, ch'ajob'resihomaq leech'ool.

Kub'sihomaq eerib' chiru li Qaawa', ut a'an tixnima eewankil.

Ab'anan li Yos q'axal numtajenaq chik li usilal naxk'e qe. Jo'kan naq naxye li Santil Hu: “Li Yos ink'a' nawulak chiru li q'etq'eteb', ab'an narusilaheb' li q'uneb' xch'ool”.

Ani naxnaw xb'aanunkil li us ut ink'a' naxb'aanu, a'an wank xmaak.

Nekextz'aamank ut ink'a' nekexk'uluk xb'aan naq ink'a' nekextz'aamank chi chaab'il: yal nekeraj xsachb'al chixjunil rik'in li k'aru naxrahi xb'aanunkil li tz'ejwalej.

Ex aj muxul paab'aal! Ma ink'a' nekenaw naq li wank sa' usilal rik'in li ruuchich'och', a'an wank sa' raaxiik' rik'in li Yos? Yalaq ani naraj wank sa' usilal rik'in li ruuchich'och', tixk'e rib' sa' raaxiik' rik'in li Yos.

ut ink'a' nekenaw k'aru teek'ul wulaj. K'a' ta chik ru leeyu'am? A'an chanchan li k'ajob' nak'utunk jun k'amokaq, ut chirix chik a'an nasachk.