Popular Bible Verses from Stg 1

Share

Ex was wiitz'in, chek'ehaq cho'q xnimal xsahil eech'ool li k'iila paay chi yale'k sutsuuqex wi'. Laa'ex nekenaw naq li xyalb'al rix leepaab'aal nak'amok chaq li kuyuk rahilal

Wi wank junaq eere yo chi majelo'k xna'leb', chixtz'aamaq re li Yos, ut taak'ehe'q re, xb'aan naq li Yos nak'ehok chi anchal xch'ool ut chi chaab'il reheb' chixjunileb'.

Ex was wiitz'in raarookex inb'aan, chiwanq sa' eech'ool a'in: li junjunq seeb'aq xch'ool chi ab'ink, chixkuyaq rib' chi aatinak ut chixkuyaq rib' chi josq'o'k.

ab'anan chexkuyuq chi tz'aqal re ru, re naq tz'aqalaq eere eeru ut chaab'ilaqex, chi maak'a' majelaqex wi' sa' leepaab'aal.

B'aanuhomaq li naxye li Aatin, ut ink'a' chik'ojlaaq eech'ool ka'ajwi' rik'in rab'inkil: yal xb'alaq'inkil eerib' nekeb'aanu chi jo'kan.

Us xaq reheb' li neke'xkuy li yale'k! Xb'aan naq, chirix xq'axb'al ru a'an, te'xk'ul xq'ajkamunkileb', a' li yu'am yeechi'inb'il chaq xb'aan li Qaawa' reheb' li neke'rahok re.

chixjunil li usilal k'eeb'il qe ut chixjunil li qamaatan li tz'aqal re ru, taqe'q nachalk chaq, ut nakub'e chaq rik'in li xYuwa'ileb' li chahim, li ink'a' najalaak chi moko naq'oqyino'k ru.

Xb'aan naq li narab'i li Aatin ut ink'a' naxyu'ami, a'an chanchan jun li winq naril li ru sa' lem; ut naq naxik, nasachk sa' xch'ool chanru na'ilok.

Li tz'aqal paab'ank li maak'a' reek' ut loq' chiru li Yos Yuwa'b'ej, a'an a'in: xtenq'ankileb' li maak'a'eb' chik xna' xyuwa' ut eb' li xmalka'an li wankeb' sa' rahilal, jo' ajwi' xkolb'al qib' chiru li xmaa'usilal li ruuchich'och' chi maak'a'aq qamuxul.

Naq taayale'q rix junaq, mixye: “A' li Yos nayalok wix”, xb'aan naq li Yos ink'a' nayale'k rix xb'aan li ink'a' us chi moko naxyal rix anihaq. Li aaleek nachalk sa' xb'een li junjunq naq naq'unb'esiik ut nak'ame'k xb'aan xrahinkil ru li maa'usilal.

Ex was wiitz'in, wi wank junaq neb'a' sa' eeyanq, chisaho'q rik'in naq naterq'usiik xloq'al xb'aan li Yos