Popular Bible Verses from Heb 13

Share

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

Li Jesukriist a'an ajwi' li wan chaq ewer, li wank anaqwan; ut a'anaq chi junelik.

Jo'kan naq naru tqaye chi anchal qach'ool: “Li Qaawa' a'an aj tenq'ahom we; ink'a' tinxiwaq. K'aru truuq xb'aanunkil we junaq yal winq?”.

Misachk sa' eech'ool xb'aanunkil li usilal jo'wi' xwotzb'al chixjunil; a'an a'in li mayej nawulak chiru li Yos.

Sa' xk'ab'a' li Jesus qamayejaaq ut qayeechi'iiq junelik li qatij re li Yos, naraj naxye, a' li xk'anjel li xtz'uumal qe li naqanima wi' li xk'ab'a'.

Chejunilex cheroxloq'i li sumlaak ut maak'a' k'aru teeb'alaq'i wi' eerib', xb'aan naq li Yos taaraqoq aatin sa' xb'eeneb' laj ko'b'eet laj yumb'eet jo' ajwi' sa' xb'eeneb' laj muxul sumsu.

Misachk sa' eech'ool li k'ehok ochochnaal; sa' xk'ab'a' a'an wankeb' xe'xk'ul eb' li ánjel sa' rochocheb' chi ink'a' xe'xnaw.

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank, a'an taxaq chik'uub'anq re leeyu'am rik'in chixjunil li chaab'ilal re xb'aanunkil li rajom. A'an taxaq chib'aanunq qik'in li nawulak chiru sa' xk'ab'a' li Jesukriist: rehaq taxaq li loq'al junq'e junq'e kutan. Jo'kan taxaq.