Popular Bible Verses from Luc 14

Share

–Elh chik iho n'oye ikalhihit'ak lhayen ochufweneka, chik lehumnhayaj tä iti n'oyej ninuya'pe tä itiyej lajcha wok lako, wok lech'efwa wok leles, wok lepuhfwas tä hin'ol lhäy'e tä atsinhay, wok ihumin lham lew'atshancheyaj.

Wet elh chik nitilhäja laka cruz wet nineka n'okwe, ikalhihit'ak lhayen ochufweneka.

Wet häp tä mälhyej'attso, elh at chik häpe chik lhaiwujyen, õyenla w'et m'ayeka, wet elh chik lhayen w'et m'ayeka, õ'wujyenla.”

“Wet häp tä mälhyej'attso, elh at chik häpe amel chik nileyayej nilhokej m'ak tä iyej, ikalhihit'ak lhayen ochufweneka.

Lhek yahinya, chik elh amel t'uhläk yenlhi hup tä atojphä, ichunkat tä itayphä wet itetshan m'ak tä tiskanhiyeja'pe, yämthilek kalelhäj tä hiw'en t'at laha tä w'awulhej pajla'tha wak'alh. Tsi chik nimälhyayejtso, elat iwo tesa tä yenlhi lefwetes, mat tä paj wet hiw'en tä nikalhahi chik yäm wak'alh, wet ileyej, wet nech'e nilhokej wichi tä hiw'en iläkwlhi t'at wet yok, “Häp hin'otsi iwo tesa lechumet tä yenlhi, mat ikalhihit'ak yäm wak'alh.”

Mat chik lewo akäjyaja, äne lhamel tä p'elitses, lhäy'e iyhäj tä laj lakhajyhayaja, lhäy'e tsufwlas, lhäy'e asnamis. Wet häpkhilek Dios lakäpfwayaj tä is i'amej, tsi lhamel ikalhihit'ak iwo haya ahilä m'ak tä lew'enho lhamel. Mat lekathiyeja akaha häp fwala chik inukwephä wichi tä isen chik tälho n'op'itseyhay.

“Nisoy häpe m'ak tä is, mat chik nem nosoy, ihanhiyejt'a lhaiwoyneje yämthilek yachajo tä nosoy. Niwohit m'ak chik isiyeja, wok honhat wok m'ak at chik häpe. Õ'wom t'at. “Elh chik lech'otey ihi, ch'ahuye täjtso.”