Popular Bible Verses from Lucas 6

Share

Ajc'unic otronte' lo que uc'ani, porque b'an cocha itacre otronte' y b'an tua' ixtacarna umen e Dios ub'an. Y e Dios tua' asutpa ub'ut'i más ibolsa umen que war itacre otronte'. Y jaxir axin uteq'ue ibolsa tama ub'ijsib'ir xe' bueno. Y axin utene ibolsa tua' uwajpi más tama unac. Pero e Dios axin uc'ampes ub'ijsib'ir b'an cocha war ic'ampes tua' asutpa ub'isi otronyajr lo que c'ani asutpa uyajc'ox, che e Jesús.

Y b'an ixto cocha era tama e winicob' ub'an, que inte' winic xe' imb'utz uwirnar, imb'utz uyojroner ub'an, porque b'ut'ur uyalma tacar lo que imb'utz. Y inte' winic xe' mab'amb'an uwirnar, mab'amb'an uyojroner ub'an, porque b'ut'ur uyalma taca e mab'amb'anir. Porque tamar lo que b'ut'ur uyalma inte', jax taca tua' aloc'oy o'jron tama uyej, che e Jesús.

Pero nox uc'ani tua' iyajta utob' tin e uxejb'iob' iut, y tacrenicob', y ajc'unic prestado, y ira iware que uc'anto uyeror. Porque jay ixixin iche cocha era, c'ani ich'ami inte' nuxi tuanib'ir tua' e Dios. Y tamar era c'ani anatanwa que nox uyunenox e Dios tichan, porque jaxir war uchojb'es utob' tunor e gente tara tor e rum iraj iraj, motor jay ayan tin e machi war utattz'iob' uc'ab'a tamar y motor jay ajmab'amb'anirob', pero e Dios warto uchojb'es utob' tunorob'.

Turb'anic ib'a tua' aquetpa inc'un iwirnar tut e gente tua' itacriob' conda ayan lo que uc'aniob' tib'a, b'an cocha inc'un uwirnar e Dios ticoit tua' utacrion conda ayan lo que cac'ani non, che e Jesús.

Y che e Jesús: —Ira ixojron upater otronte' tua' machi ixc'ayna umen e Dios. Y ira ixb'axon tua' machi ixjajtz'a umen e Dios. C'umpenic taca tunor tin e axin uche e mab'amb'anir ipater y e Dios axin ac'umpa tacarox nox ub'an.

Y che e Jesús: —Pero nox xe' war iyub'i ninuc era, c'ani inwareox que uc'ani tua' iyajta ut tunor tin e war aq'uijna uwirox, y uc'ani tua' itacre tin e war uxejb'iob' iut. Chojb'esic ut tin e war ub'axeox y c'ajtinic taca e Dios tua' atacarna tin e war uc'ayox.

Y tunor lo que war ic'ani que e inmojr uchiob' tacarox, b'an ixto uc'ani tua' iche nox tacarob' ub'an.

Y jay ayan tin e uyajq'uet tama inxejr acajram, actan uyajq'uiquet teinxejr ub'an. Y jay ayan tin e ulocse inte' ab'ujc y uq'ueche axin, actan uq'uechic chic otronte' ab'ujc ub'an. Chic taca tia' ayan tin e uc'ajti tab'a, ajc'un. Y tin e ulocse lo que ayan tab'a, ira ac'ajti tua' ach'ami uyeror otronyajr.

Y che e Jesús: —Inte' te' xe' bueno machi uyub'i uyajc'u uyutir xe' mab'amb'an, y nien inte' te' xe' mab'amb'an machi uyub'i uyajc'u uyutir xe' bueno.

Pues tunor e te' chequer tama uyutir, porque ma erer ich'ami ingojr muy tama inte' t'ix, y ma erer ich'ami inte' poxte' tama inte' ch'uyur ch'an.