Popular Bible Verses from Lucas 5

Share

Y conda c'apa ucanse e gente, uyare e Pedro y che: —Yara chic abarco tia' más intam e ja' y juric chic ichijr tua' ixcorma, che e Jesús.

Pero e Simón Pedro uyare e Jesús y che: —Pero Niwinquiraret, tunor e acb'ar war capatna y ma incojt chay catajwi, pero cocha net war awareon tua' caxin cayari cachijr otronyajr, caxin cache b'an cocha war awareon era, che e Simón. Y conda uyariob' e chijr tama e ja' y cay uquerejb'ob' tari uchijrob' otronyajr cay uwirob' que b'ut'ur uchijrob' taca e sian chay este que c'anix awejrtz'a.

Pero e Jesús loc'oy ixin tama inte' choquem lugar tua' uc'ajti taca e Dios.

Nen tarien majax tua' impejca tin e unatob' que imb'utz turob', sino que tarien tua' impejca tin e satrem tua' asutpa uch'amiob' uyojroner e Dios, che e Jesús.

Pero e Simón Pedro conda uwira lo que numuy era ixin cotuan tut e Jesús y che: —Loq'uen tama niwejtz'er, Niwinquiraret, porque nen ajmab'amb'aniren toit, che e Pedro.

Pero e Jesús uyare y che: —Tin e majax ajmuac machi uc'ani inte' ajtz'aconer, sino que tin e ajmuac.

Entonces conda c'apa uq'uechiob' ixin e barco esto tuti' e ja', uyactob' tunor lo que ayan ani tuob' y ixiob' taca e Jesús.

Pues entonces tama inyajr conda e Jesús turu tama inte' chinam, c'otoy inte' winic tuyejtz'er xe' ayan cora sian chec tut xe' uc'ab'a lepra xe' uyacta ub'a cotuan tut e Jesús y uch'ub'a ujor xijrcojt este tut e rum tua' uc'ajti tua' atacarna. Y uyare e Jesús y che: —Niwinquiraret, jay net ac'ani atz'acpesen uyub'iet ache, porque meyra ayan ac'otorer, che e winic. Entonces e Jesús upacb'u uc'ab' tama ujor e winic y che: —Nen inc'ani intz'acpeset. C'ani inware e chec era que: “Loq'uen actan e winic era”, che e Jesús. Y conda c'apa ojron e Jesús, wacchetaca quetpa tz'acpesb'ir e winic.

Pero cay tajttz'a meyra e Jesús umen tunor e gente tamar lo que cay uche. Y meyra gente war umorojse ub'ob' tut e Jesús tua' uyub'iob' uyojroner y tua' atz'acpesnob' umener ub'an.