Popular Bible Verses from Lucas 1

Share

Conda Cadiosir ixin uche cocha era taca e Elisabet, war che que tut e Dios matuc'a xe' intran tut, che e ángel.

Y e María che: —Nen manen tua' Niwinquirar. Que jaxir uchic tacaren b'an taca cocha awaren net, che e María. Y de allí loc'oy e ángel ixin.

Entonces ojron e ángel y che: —Unawalir e Dios axin watar tama ajor, y uc'otorer e Dios Ajtichaner tua' axin ub'och'iet, y awar lo que tua' acuxpa tamaret c'ani aquetpa erach tut e Dios iraj iraj, y c'ani a'rob'na que jax Uyunen e Dios.

Chojb'esb'iret umen e Dios umen que c'upseyanet tamar, porque uc'ani tua' ac'apa anumuy tunor lo que arob'net umen Cawinquirar Dios, che e Elisabet uyare e María.

Porque net c'ani iquetpa iwawan y c'ani acuxpa inte' awar, y uc'ani tua' aturb'a uc'ab'a Jesús. Y conda jaxir ach'i' axin aquetpa inte' nuxi winic, y c'ani a'rob'na que jaxir jax Uyunen e Dios xe' turu tichan, y Cawinquirar Dios c'ani uyajc'u e turtar xe' tua' e rey David xe' turuan tama e onian tiempo. Y jaxir c'ani axin ac'otori tujor tunor e chinam Israel ajq'uin ajq'uin, y machi watar e tiempo conda machi tua' ac'otori, che e ángel.

Entonces sutpa ojron e ángel y che: —María, ira ib'acta porque net war ach'ami meyra chojb'esiaj tua' e Dios.