Popular Bible Verses from Marcos 15

Share

Chupa k'u la' la ora, ri Jesús lik ko xsik'inik, jewa' xub'i'ij pa ri ch'a'tem kach'a't wi Rire: —Eloi, Eloi, ¿lama sabactani? —xcha'. Wa' ke'elawi: “Lal nu Dios, Lal nu Dios, ¿su'b'e xinoq'otaj kan la?”

Ek'u ri capitán tak'al chwach ri Jesús, echiri' xuto xsik'inik yey xrilo sa' rukamik, jewa' xub'i'ij: —¡Paqatzij wi, wa' wa'chi e Uk'ajol ri Dios! —xcha'.

Ek'uchiri', ri telón k'o chupa ri Rocho Dios xrich'rob' chunik'ajal; xujeq lo puwi' y xo'lk'is k'a chuxe'.

No'j ri Jesús lik ko xsik'inik y jela' xkamik.

Ek'uchiri' xtik'oj ri q'ij, xok q'equ'm che ruwachulew y wa' xu'k'isa k'a che ri urox ora b'enaq q'ij.

Ewi ri Pilato xa ruma xraj kakanaj kan chi utz kuk' ruk'iyal winaq, e xuyolopij b'i ri Barrabás. Yey xeb'utaq ri soldados che ujich'ik upa ri Jesús. Tek'uchiri', xuya b'i pakiq'ab' re kakikamisaj chwa cruz.