Popular Bible Verses from Marcos 14

Share

jewa' xub'i'ij: «Tat, Lal Nuqaw, chiwach Rilal na jinta k'ana k'ayew; chinkolob'ej ko la cha' na kinik'ow ta chupa wa' wa k'axk'ob'ik. No'j na e ta k'u chu'ana ri kuaj ri'in, ma e chu'ana' janipa ri ka'aj Rilal» xcha'.

Mixwar k'ut, y lik chi'ana orar cha' kich'ij uchuq'ab' ri k'amb'al ipa kapetik. Paqatzij wi, lik kacha ik'u'x che u'anik ri utz, no'j wa' lik k'ayew chiwe ma e ri iti'jil na jinta ukowil —xcha'.

Paqatzij wi kamb'i'ij chiwe: Pa taq katzijox wi wa Utzilaj Tzij che ronoje ruwachulew, kakuxtax k'u wi'xoq ruma ri xu'ano —xcha'.

Xub'i'ij k'u chike: —K'o jun unimal b'is re kamik chinuk'u'x. Chixk'ola kan wara; mixwarik y lik chi'ana orar —xcha'.

Xaloq' k'u ri' kewa'ik, ri Jesús xuk'am ri pam y xutioxij che ri Dios. Ewi xuwech'o, xujach chike y jek'uwa' xub'i'ij: —Chitija', ma e nucuerpo wa' —xcha'.

Xuk'am k'u ri k'olib'al k'o vino chupa, yey echiri' utioxim chi che ri Dios, xuya chike y konoje xkitij chuchi' wa' wa k'olib'al. Xub'i'ij k'u chike: —E nukik'el wa', ri katuruw na kuma uk'iyal tikawex re kuyb'al kimak, yey wa' e kujikib'a' uwach ri k'ak' tzij.

Ek'uchiri' ri Jesús xub'i'ij chike: —Waq'ab' iwonoje ri'ix kiwesaj na iwib' chwij, ma e pacha' kub'i'ij Ruch'a'tem ri Dios: Kankamisaj raj chajinel yey taq k'u ri' rub'exex kakikich b'i kib' kacha'.

¡Chixwa'lijoq! ¡Jo'! Chiwila', ma ri kak'ayin we ri'in e la' xk'unik —xcha'.

Yey ri Jesús xuk'ul uwach: —Paqatzij wi kamb'i'ij chawe: Wa jun aq'ab', echiri' k'amaja' ne kab'ixon kalaj ri teren, ri'at oxlaj chik ab'i'im na aweta'am ta nuwach —xcha'.