Popular Bible Verses from Hebreos 13

Share

Me'ek k'u'x alaq chwi ri puaq. E ki'kota alaq ruk' ri k'o uk' alaq, ma jewa' ub'i'im ri Dios: Na katinya ta kan k'enoq y na kanwoq'otaj ta ato'ik xcha'.

Ri Qanimajawal Jesucristo na kajalk'atitaj taj; Rire jela' pacha' rojertan, jela' wo'ora y chiqawach apanoq.

E uwari'che lik kaqajikib'a' uwach ri tz'ib'ital kan pa Ruch'a'tem ri Dios: Ri Nuqaw Dios, e Rire ri kato'w we'in; na kanxi'ij tane k'ana wib' che ri na utz taj ku'an juna tikawex chwe kojcha'.

Lik mik'ow chik'u'x alaq xaqi e 'ana alaq ri utz y to'o ib' alaq chiwach alaq. Ma wa' e jun qasa'n lik kuk'ul uk'u'x ri Dios.

Ruma k'u la', xaqi e qaya'a chwach ri Dios ri qaqasa'n re yakb'al uq'ij ruma ri Qanimajawal Jesucristo. Qayaka k'u uq'ij rub'i' Rire, e qab'i'ij Rire e Qanimajawal.

Lik chu'ana nim uq'ij ri k'ulanikil chiwach onoje alaq y mach'ulaj ne k'ana alaq ri tzij 'anom alaq chiwach alaq; ma konoje ri kaketz'ab'ej uwa kiq'ij kuk' jujun chik na kik'ulel taj y konoje ri kemakun chirij ri k'ulanikil, wa' kaq'at tzij pakiwi' ruma ri Dios.

Mik'ow chik'u'x alaq ri kek'ul alaq chi utz janipa ri keb'opon chi ocho alaq, ma e k'o ri xeb'anaw wa' y na xkina'b'ej taj e ángeles ri xekik'ulu.

Ri Dios, ri aj ya'l utzil chomal, xuk'astajisaj lo ri Qanimajawal Jesucristo chikixo'l ri ekaminaq. Y ri Cristo e ri Nimalaj Aj Chajinel ke rutinamit ri Dios; yey ruk' rukik'el Rire, xujikib'a' uwach ri k'ak' tzij na jinta utaqexik. Kantz'onoj k'u ri' che ri Dios, chuto'o alaq cha' ka'an alaq ri utz y jela' ka'an k'u alaq janipa ri karaj Rire. Chu'ana k'u Rire uk' alaq ruma ri Qanimajawal Jesucristo janipa ri rajawal uk'u'x Rire. Che Rire taqal wi ri yakb'al uq'ij waq'ij ora y na jinta chi utaqexik chiqawach apanoq. Amén.