Popular Bible Verses from Mark 14

Share

Jeju pana: Aba, Bɔm, né gə́ njedumi godo. Maji kari ɔs ŋgo-kai némeeko̰ neelé rɔm’g rəw gə́ raŋg. Lé riri kara né gə́ məəi wɔji ɓa m’a ra ɓó m’a ra né gə́ məəm ma ɓa wɔji el.

Sije dɔ kəji sí’g kəgəgə raje tamaji mba kar sí osoje ne dan nékərje’g el. Meḛ sí to kəmba ya nɛ darɔ sí ɓa wəi wɔ-wɔ.

Ma m’ula sí təsərə, loo gə́ rara gə́ dɔ naŋg nee gə́ d’a gə kila mber tagə́maji lé keneŋ ndá d’a kɔr sor dené neelé mba kar meḛ dee olé ne dɔ né gə́ yeḛ ra’g lé ya tɔ.

Yeḛ ula dee pana: Meem ḭ səm jugugu al dɔm sula saar a kas yoom, maji kar sí sije dɔkəji sí’g kəgəgə loo gə́ nee.

Loo gə́ d’isi d’usɔ né mba̰ Jeju un pil muru kára ra ne Ala oiyo ɓa wa gaji dana ar dee pana: Taaje, yeḛ gə́ neelé to gə́ darɔm ya.

Tɔɓəi yeḛ un ŋgo-kai-né gə́ mán-nduú to keneŋ ra ne Ala oiyo ɓa ula ar dee ɓəi ndá deḛ lai d’ai. Yeḛ ula dee pana: Yee neelé to gə́ məsm, yee ɓa to məs manrɔ gə́ ula dɔ naŋg nee mbata lə dəwje bula.

Jeju ula dee pana: Seḭje lé seḭ a kubamje kya̰’mje lai ya to gə́ deḛ ndaŋg mee maktub’g pana: M’a kunda njekulbadje ndá badje lai d’a kaḭ sanéna̰ kad-kad.

Ubaje naŋg ḭje tar ar sí j’awje. Aa ooje, yeḛ gə́ a gə kulam ji dee’g lé si aw gə́ nee dəb ŋga.

Yen ɓa Jeju tel ilá keneŋ pana: Ma m’ulai təsərə, mee til’g neelé ya kona a no̰ ndia joo el ŋga ndá i a maḭ dɔ rɔi dɔm’g gɔl munda.