Popular Bible Verses from Matiyo 13

Share

Kandə kər gə́ oso dɔ naŋg gə́ maji kó’g lé to asəna gə dəw gə́ oo ta neelé ləm, gə gər ginee ləm tɔ. Dəw neelé nai gə́ kər gə́ andə tɔl əsé rɔ-misa̰ əsé rɔ-munda tɔ.

Kandə kər gə́ oso mee kun’g lé to asəna gə dəw gə́ oo ta neelé ya nɛ tor ta gə́ wɔji dɔ naŋg nee gə takə̰ji gə́ wɔji dɔ nébaoje ɓa yeḛ la̰ji mée’g aree tuji ta neelé ɔgee ne loo teḛkɔr ŋgia̰ ne ŋgɔsɔrɔ.

Loo gə́ dəw oo ta lə ɓeeko̰ lé nɛ yeḛ gər ginee el ndá njegosoyèr ree ɔr kandə né gə́ oso mée’g ho̰d ndá mee dəw neelé to asəna gə kag-rəw gə́ kandə kər lé wa naŋg keneŋ.

Kandə kər gə́ oso dɔ mban-ər’g lé to asəna gə dəw gə́ oo ta lé ndá léegəneeya yeḛ taa gə́ rɔlel, nɛ ŋgira ta neelé ɔm jamee mée’g el ndá dəw neelé si ne waga el mbata mée mbɔré dɔ’g. Loo gə́ néɓəl əsé néurti teḛ dəa’g mbata lə ta neelé ndá yeḛ oso kas ila ne ta kɔrɔ yal.

Ɓeeko̰ gə́ dara lé to asəna gə nébao gə́ to loo-kiya’g mee ndɔ’g. Dəw teḛ keneŋ un iya kág gə́ lée’g ya. Rea lelee yaa̰ aree aw ndogo néje ləa mba kya̰ laree ndogo ne ndɔ neelé.

Yee gə́ raŋg teḛ pə ɔm dɔ naŋg gə́ maji kó’g ndá andə yaa̰, yee gə́ ná ndá andə tɔl, yee gə́ ná ndá andə rɔ-misa̰, yee gə́ ná ndá andə rɔ-munda tɔ.

Ya̰je ar deeje tɔg na̰’d saar ndɔ kinja kó lé ndá ma nja m’a kula njékinjakoje pana: Tɔrje haowa tɔje gə dəa-dəa oreeje dɔ na̰’d més-més mba kula pər keneŋ, nɛ mbo̰je kó gə́ maji ɔmje dàmá ləm ya.