Popular Bible Verses from Lucas 14

Share

«We c'o junok caraj caterej lo chwij, lic chirajawaxic che más c'ax quinuna' ri'in chiquiwa conoje, ma we e más c'ax quebuna' ruchu-ukaw, ri rixokil, ri ralc'o'al, ri ratz-uchak' y más ne c'ax cuna' rib rire chinuwa ri'in, ri' na takal ta che cu'an nutijo'n.

E uwari'che, china ri na cuya ta ranima' cutij c'ax ruma ri caterej lo chwij, ri' na takal ta che cu'an nutijo'n.

Ma china ri cu'an lic nim che rib, ri Dios cukasaj uwa uk'ij; no'j china ri cu'an ch'uti'n che rib, ri Dios cuyac uk'ij» xcha ri Jesús.

Jec'uri'la', we c'o junok che alak caraj caterej lo chwij, lic chirajawaxic che cuya can ronoje ri c'o ruc'; ma we na cu'an ta wa', na takal ta che cu'an nutijo'n.

»Ma we c'o junok caraj cu'an nutijo'n, lic chuch'obo na rakan we cucuy ri c'axc'obic cape puwi' ruma ri caterej lo chwij. »E jela' pacha' ri ca'anic echiri' cayac juna nimalaj ja. Ma ¿c'o neba junok che alak na cuch'ob ta rakan chi utz nabe na puwi ri cajawax che cha' cuyac ri ja y carajilaj na c'u ri' janipa ri cumaj bi cha' careta'maj we xakare' cuch'ij uyaquic ri ja? Ma we na cu'an ta wa', echiri' uticom chi c'u ruparakan ri ja, cuchakaba' u'aniquil ruma na jinta chi puak re cuq'uiso; yey conoje c'u ri' ri quebilow re, caquijek caquich'amij, caquibi'ij: “Wa'chi xujek uyaquic wa ja, yey na xuq'uis ta chic” quecha'.

»E uwari'che, ri chirajawaxic ca'an la echiri' ca'an la juna nimak'ij, e chebesiq'uij la ri niba'ib, ri t'um cakan quik'ab, ri e sic y ri e potz'. Jec'uri'la' nim k'ij alaxic la, ma rique na caquich'ij ta uya'ic uc'axel che'la; pero e cac'ul la ri rajil uc'axel echiri' quec'astaj lo ri lic e jusuc' chwach ri Dios —xcha ri Jesús.

»E ratz'am lic cajawaxic; no'j we xsach rutzayul, ¿su'anic tanchi ca'an tza che? Ma na curik ta uchac che rulew y na utz ta ne ca'an abono ruc'. Ec'u ri ca'an che, e catix bi. China c'u ri c'o utanibal che utayic, ¡chuta c'u ri'!» xcha ri Jesús.