Popular Bible Verses from Hebreos 9

Share

Jec'ula' ri', ri Cristo xa julaj xuya rib pa camic cha' jela' caresaj ri quimac uq'uiyal ticawex. No'j echiri' cac'un tanchic, na re ta chi co'lcam ruma ri mac que ri winak, ma e re quebucolobej conoje ri coye'em Rire.

We cu'an c'u ri' wa' ruquiq'uel juna awaj, ¡mac'uwari' ruquiq'uel ri Cristo! Ma ruma ri Ruxlabixel ri Dios na jinta utakexic, ri Cristo, ri na jinta c'ana umac, xuya rib pa camic chwach ri Dios cha' jela' cujosk'ij ri kanima' che ri mac, ri cuc'am lo k'atbal tzij re camic pakawi'. Jec'ula' ruma ri Cristo cakana' chikac'u'x na jinta chi kamac y utz c'u ri' cakalok'nimaj ri Dios c'aslic.

Lic c'u jiquibam chi uwach conoje ri ticawex xa julaj quecamic, tec'uchiri' cape ri k'atbal tzij paquiwi'.

Ma chupa ri tzijpixab tz'ibital canok, cubi'ij lic q'ui tak ri josk'inic ca'an ruc' ri quiquiq'uel rawaj, yey na jinta c'u cuybal mac we na caturuw tana ri quiquiq'uel rawaj ecamisam.

Ruma c'u ri' la', ri Cristo e cac'amaw kawach chwach ri Dios chupa ri c'ac' tzij. Yey ruma rucamic, c'o cuybal mac chique ri xemacun chuxe' ri nabe tzij, cha' jela' conoje ri ebusiq'uim ri Dios caquic'ul na ri ubi'tisim Rire chique yey wa' na jinta utakexic.