Popular Bible Verses from 1 Corintios 3

Share

¿Na eta'am ta neba ralak, alak rocho ri Dios yey e ri Ruxlabixel ri Dios ri jekel uc' alak?

Ma na utz ta q'uenok we c'o junok cucoj jun chic uparakan ri ja junwi chwa ri cojotal chic; yey ruparakan ri ja cojotal chic, e ri Kanimajawal Jesucristo.

¿China c'u ri' ri más c'o uwach? ¿E nawi ri xticow re? ¿E nawi ri xja'an re? Na e taj, ma e ri Dios, ri caq'uiyisan re.

Ec'u ri' ri'oj xa oj umocom ri Dios yey ralak e pacha' alak rulew cachacux uwach ruma ri Dios. Jenela' ralak e pacha' alak juna ja catajin ri Dios che uyaquic.

Che tak wa' wa cachapabexic c'o ri cacowin chupa ri ak' y c'o ri na cacowin taj; jec'ula' ri chac u'anom junok pubi' ri Cristo, ma pa ri k'ij re ri k'atbal tzij, ri Dios cuk'alajisaj we utz ri chac u'anom o na utz taj.

Ri caticow re y ri caja'an re, xa jun quiwach; yey chiquijujunal caquic'ul ri rajil uc'axel e chirij ri chac xqui'ano.

Mac'o musoc rib chiribil rib. Ma we c'o junok cuch'obo lic reta'am chi ronoje che ruwachulew, chirajawaxic ri' chu'ana che rib pacha' junok na jinta c'ana reta'am, cha' e careta'maj runa'oj ri Dios. Jec'ula' cu'ana lic c'o una'oj pakatzij wi.