Popular Bible Verses from San Mateo 26

Share

Eꞌñe señoseꞌrteñothpaꞌ xhoña semaꞌyochosa allochñapaꞌ atthoch amach sañeña aꞌpoerrataterro topateñets ñeñthchaꞌ sewapoya atarr womenk. Ñeñthpaꞌ amaꞌt atarr semneñeñ tharraña sechetsñapaꞌ amakaꞌye awamenkatheyeꞌ penso, ñeñthoꞌmarña notenes xhokmach semaꞌyochena.

Allempoñapaꞌ ateth otosanet: —Napaꞌ xha chepoxhenen nellkëña neyoxhro, xha moeneꞌ nerromoen nellkëñoth. Sapaꞌ allasaꞌthach arr sekwapretosnoꞌthach.

Ñañapaꞌ awoꞌ aꞌyentheyeꞌ all rremosa patso ateth maꞌyochosa: —Apa, ñerraꞌm errothenothpaꞌ arepaꞌchña pemnatatsche oꞌch xhapona ñeñth atarr amoeroxhtatañ nenten. Tharraña ñerraꞌm phach moenats añepaꞌchña ateth pephaton ñeñth pemnen pha, amachña añeyaye ñeñth nemnen na.

Añpaꞌ nerraskaꞌye sepeñ ñeñthchaꞌ ashatarethtatsa shonteꞌ acheñeneshakop alloch aphreꞌtnarethterret poꞌchñaret. Añ nerraspaꞌ alloch eꞌñe etserra aꞌpoktaterra acheñeneshaꞌ Apoesho.

All rrallmeꞌchenet, Jesúsñapaꞌ chetan pan parasyosoꞌtan Pompor. Parasyosoꞌtwepaꞌ shotaꞌtan panpaꞌ apaꞌyesan poeyochreshaꞌ. Ñeñthpaꞌ ateth otanet: —Sagapyes oꞌch serreꞌ añmapaꞌ ñeñthchaꞌña nechets sepen.

Allothñapaꞌ chetan ñamha orramets parasyosoꞌtwerrerrpaꞌ apaꞌyerraneterr. Ñeñthpaꞌ ateth oterraneterr: —Sorr ñamha añ narmetsos allowenes.

Oꞌña ateth maꞌyochwapaꞌ oꞌ awerr alloꞌtsaꞌyen poeyochreshaꞌ maꞌpsheña. Oꞌ xherr allpaꞌ alla entwerranet ñetñapaꞌ xha atarr manrrenet. Allempoñapaꞌ otwerran Pedro: —Amaꞌt mamesha areꞌtchaꞌña akwenayeꞌ sentoso. Amawachñakaꞌ sekwapretosnotheꞌ amaꞌt mamesha.

Napaꞌ oꞌch notas: Theꞌpaꞌ amach alla norrerreꞌthe añ narmetsos thayotheñ tharrempowach allempoch alla ello yorrerrerr parro allempoch amhchaꞌtarethetwerra Apa.

Allempoña Pedropaꞌ alla yerpoerrana ñeñth ateth oteñ Jesús: “Amach eñenaꞌ atollop phañapaꞌ oꞌch maꞌpoch phaꞌnasotenna.” Allempoña Pedro xhaꞌnom allothpaꞌ awoꞌ aꞌyeneth allñapaꞌ all atarr yawosa womenk.

Theꞌñapaꞌ setanterra oꞌch awey oꞌch yepokteꞌ. Sekweꞌkaꞌye ñeñthchaꞌ nepomoeꞌ ñeñthpaꞌ allaꞌtsena.

Allempoña Jesúspaꞌ ateth och: —Penerr alla phokchell allekma peneñ. Allowen ñeñth orrotetsa poꞌkchellopaꞌ kochllochkaꞌye kollaꞌwerret.