Popular Bible Verses from San Lucas 15

Share

Oꞌña ateth kothapeꞌchwa ello eꞌñe kowen Yomporekoppaꞌ allempoñapaꞌ awen pomporesho. ‘Amaꞌt atarr ellapharmeñ allempo entapoeñ pompor eꞌñe poemoereñoth mata poktapoeñpaꞌ aꞌxhonoꞌtapoeñ, tsoꞌtstsapaꞌtapoeñ. Ñeñthpaꞌ ateth womhchaꞌtapoenan poechemer attho eꞌñe kowen agapapoeñ.

Tharroꞌmar añ nechemer amaꞌt oꞌ rromwañ, theꞌñapaꞌ oꞌ alla tanterra. Amaꞌt oꞌ chenkaꞌwañpaꞌ theꞌñapaꞌ oꞌ alla nenter.” Allempoñapaꞌ atarr nanak koshameꞌtamphsapoeñet.

Ñeñthoꞌmarña theꞌpaꞌ notenes: Yamoꞌmteꞌ ñeñth poeꞌtañoꞌtsen atthekmach atarr nanak kosherrana amaꞌt poesheñarra acheñ ñeñth atarr ochñath ñerraꞌm esempoch oꞌch kothapeꞌcherret ello eꞌñe kowen ñokop. Elloch metanaꞌtwerran ñeñth attho koshenana poꞌpotantañ ñeñth shonteꞌ ñeñth eꞌñe pokteꞌ es phaꞌyenet ñokop amaꞌt ñetpaꞌ shontet ateth ñerraꞌm noventa nueve carnero ñamha ñetpaꞌ amaꞌt ama pallteneto oꞌch kothapeꞌcherret ello kowen.

Theꞌpaꞌ oꞌch awerren apoesho; theꞌ napaꞌ atethchaꞌ notwer: Apachaꞌ, napaꞌ oꞌ nephowa ñeñth ama kowenayaye Yomporekop amaꞌt ñamha phokop.

Poechemerñapaꞌ ateth otweñ: “Apachaꞌ, napaꞌ oꞌ nephowa ñeñth ama kowenayaye Yomporekop amaꞌt ñamha phokop. Na theꞌpaꞌ ama kowenayayno atthoch pechemer pephapoerren.”

—Sapaꞌ ñerraꞌm eseshas echeneꞌ shonteꞌ secarneror, xharroch xharraꞌ sechen tharraña ñerraꞌm pomokarrña machayotha saꞌchenkachpaꞌ amaꞌt ateth sepeno. Oꞌch sesaꞌnom allowen poꞌpotantañ ñeñth oꞌ noventa nuebhamha all amayo amaꞌt atarr aꞌyopaꞌ oꞌch awes eꞌnerrayaꞌ pomokarr ñeñth chenkëtsa. Allchaꞌ seꞌnameꞌtyeraꞌpaꞌ atthothach senter.