Popular Bible Verses from NA SAME 40

Share

Au a dauwaraki Jiova tikoga: Ka sa vakatu daligana vei au, ka rogoca na noqu tagi. Sa tuberi au cake talega mai nai keli sa tu kina na rorogo rerevaki, mai na qele lolobo talega, Ka sa vakatura na yavaqu e na dela ni uluvatu, ka vakataudeitaka na noqu i lakolako.

Ka sa vakacuruma ki na gusuqu e dua na sere vou, na vakavinavinaka vua na noda Kalou: Era na raica na le vuqa, ka rere, Ka vakararavi vei Jiova.

Sa kalougata na tamata sa dauvakararavi vei Jiova, Ka sa gole tani maivei ira na yalolevu, maivei ira talega era lesu tani ki na daulasu.

Au sa reki me'u kitaka na ka ko ni sa vinakata, noqu Kalou: Io, na nomuni vunau sa tu e na vu ni yaloqu.

Koi kemuni talega, Jiova, mo ni kakua ni bureitaka vei au na nomuni yalololoma: Me maroroi au tikoga na nomuni loloma kei na nomuni dina.