Popular Bible Verses from NA SAME 18

Share

A noqu uluvatu ko Jiova, kei na noqu i drodro, kei na noqu i vakabula; A noqu Kalou, o koya na noqu kaukauwa, ka'u na vakararavi vua; A noqu i sasabai, kei na noqu kaukauwa ka'u sa vakabulai kina, kei na noqu vale ni valu cecere.

Ia na Kalou, sa dodonu na nonai valavala: Sa vakatovolei na vosa i Jiova; Ai sasabai ko koya vei ira kecega era sa vakararavi vua.

Au na masu vei Jiova, o koya sa dodonu me vakacaucautaki: Ka'u na vakabulai kina maivei ira na noqu meca.

E na noqu rarawa ka'u sa masu vei Jiova, Ka tagi vua na noqu Kalou: Sa rogoca na domoqu ko koya mai na nona vale tabu, Ka sa yaco sara vua na noqu tagi, io, ki na daligana.

Kemuni na tutuvaka na noqu cina; Ena vakararamataka na noqu butobuto ko Jiova na noqu Kalou.

A Kalou ga sa vauca na toloqu e na kaukauwa, Ka sa vakadodonutaka na noqu i lakolako.

Sa bula ko Jiova; ia me vakacaucautaki ko koya na noqu uluvatu: Me vakalevulevui na Kalou sa vakabulai au.