Popular Bible Verses from MARIKA 16

Share

A sa kaya vei ira, Dou lako yani ki vuravura taucoko, ka vunautaka nai tukutuku-vinaka kivei ira na tamata kecega.

Ia na veivakatakilakila oqo era na cakava ko ira sa vakabauta: Era na vakaseva tani na tevoro eso e na yacaqu; era na vosataka na vosa ni veivanua tani; era na tomika na gata eso; ia kevaka era gunuva na ka e gaga sara, era na sega ni ca kina; era na tabaki ira talega sa tauvi-mate e na ligadra, a ra na bula kina.

O koya sa vakabauta ka sa papitaisotaki ena bula: ia ena cudruvi ga ko koya sa sega ni vakabauta.

Ia ko ira, era sa lako yani, ka vunau e na veiyasana kecega, a sa cakacaka vata kei ira na Turaga, a sa vakadinadinataka na vosa e na veivakatakilakila sa muri. Emeni.

A sa kaya vei iratou ko koya, Dou kakua ni rere: dou sa vakasaqarai Jisu na kai Nasareci, ko koya ka lauvako ki na kauveilatai: sa tu cake tale ko koya: sa sega eke: raica na tikina era a vakotora kina!

Ia ni ratou sa raica, eratou sa kunea ni sa vaqiqici tani na vatu: ni sa vatu levu sara. Ia ni ratou sa curu ki nai bulubulu, eratou sa kunea e dua na cauravou sa tiko e na tikina i matau, sa vakaisulu e nai sulu balavu ka vulavula; a ratou sa rere.