Popular Bible Verses from MARIKA 13

Share

Ia era na cati kemudou ko ira na tamata kecega e na vuku ni yacaqu; ia ko koya ena vosota me yacova nai vakataotioti, ena vakabulai ko koya.

Dou qarauni kemudou vinaka; dou vakatawa, ka masu: ni dou sa sega ni kila na kena siga.

Ia ni dou sa kau yani, ka soli me lewai, dou kakua mada ni lomaocaoca se cava mo dou kaya, dou kakua talega ni vakanananu kiliu; ia na ka kecega ena soli vei kemudou e na tiki-ni-siga ko ya, sai koya ga mo dou vosataka: ni dou sa sega ni vosa koi kemudou, sa vosa ga na Yalo Tabu.

Ena takali ko lomalagi kei vuravura; ia na noqu vosa ena sega ni takali.

Ia na siga ko ya kei na tiki-ni-siga ko ya sa sega e dua e kila, ko ira na agilose mai lomalagi e segai, se na Luvena, a Tamaqu duaduaga.

Ia ni dou na rogoca nai valu, kei nai rogorogo ni valu, dou kakua ni kidroa; ni sa kilikili me yaco; ia sa bera ga nai vakataotioti.

O koya mo dou qai vakatawa: ni dou sa sega ni kila na tiki-ni-siga ena lako mai kina nai taukei ni vale; se ni sa yakavi, se ni sa lomaloma-ni-bogi, se ni sa tagi na toa, se ni mataka; de lako vakasauri mai, ka kunei kemudou ni dou sa moce ga: ia na ka kau sa kaya vei kemudou, kau sa kaya vei ira kecega, Dou vakatawa.

Ni ra na veibolebolei na veivanua eso, kei na veimatanitu eso; ia ena tavuki na vanua e na veiyasana e vuqa, ena yaco talega na dausiga: oqo nai vakatekivu ga ni ka rarawa.

Ia ena vunautaki dina mada eliu nai tukutuku-vinaka e na veivanua kecega.

Era lewe vuqa ena lako mai ka vakacavutaki au, ka kaya, Sai au; ia ka lewe vuqa era na vakacala.

Ia dou qarauni kemudou vinaka: ni dou na soli yani ki na mataveilewai, dou na vakanakuitataki e na veivale ni lotu: dou na kau talega ki na matadra na kovana, kei na tui, e na vukuqu, mei vakadinadina vei ira.

ni na tubu mai na Karisito vakailasu eso, kei na parofita vakailasu eso, a ra na vakatakila mai na veivakatakilakila kei na veika e veivakurabuitaki, me vakacalai ira kina na digitaki, kevaka e rawa.

Ia e na gauna ko ya, ni sa oti mada na ka rarawa ko ya, ena qai vakabutobutotaki na mata-ni-siga; ena sega talega ni cila na rarama ni vula; ka na lutu mai na veikalokalo ni lomalagi, ka na veitosoyaki na veika kaukauwa ni lomalagi