Popular Bible Verses from LUKE 10

Share

Raica, au sa solia vei kemudou na kaukauwa mo dou butuki ira loa na gata kei na batibasaga, ka mo dou rawa na kaukauwa kecega ni meca; ia ena sega sara e dua na ka me vakacacani kemudou.

A sa vosa ko Jisu, ka kaya vua, I Marica, I Marica, ko sa lomaocaoca ka veinanumayaka na ka e vuqa: ia sa dua bauga na ka e yaga: a sa digitaka ko Meri nai votavota vinaka, o koya ena sega ni kau tani mai vua.

A sa vosa ko koya, ka kaya, Mo lomani Jiova na nomu Kalou e na lomamu taucoko, kei na yalomu taucoko, kei na nomu kaukauwa taucoko, kei na nomu nanuma kecega; kei na kai nomu me vakataki iko.

Ka sa kaya vei ira, E dina sa vakalewe na yabaki, a ra sa lewe lailai ga nai vakatau-ni-were; o koya mo dou qai masuti koya nai Taukei ni were, me tala yani eso nai vakatau-ni-were ki na nona were.

Mo lewa mai, se ko cei vei iratou na lewe tolu oqo, sa kai nona ka sikabotei ira na daubutako? A sa kaya ko koya, O koya ga sa lomana. Sa qai kaya vua ko Jisu, Mo lako ko iko, ka kitaka vakakina.

Dou lako: raica, au sa talai kemudou yani me vaka na lami e na kedra maliwa na wolifa.