Popular Bible Verses from KALATIA 5

Share

Ia na vua ni Yalo Tabu na loloma, na reki, na vakacegu, na vosota vakadede, na yalomalua, na yalololoma, na vakabauta, na yalomalumalumu, nai valavala malua: sa sega na vunau sa cudruvi kina na veika oqo.

Ia kau sa kaya, Dou lako voli e na Yalo Tabu, ka dou na sega ni cakava kina na gagadre ca ni tovo vakayago.

Kevaka eda sa bula e na Yalo Tabu, tou lako voli talega e na Yalo Tabu.

Ia ko ira era nei Karisito era sa vakota ki na kauveilatai nai tovo vakayago kei na kena dodomo ca kei na kena gagadre ca.

Ia sa votu na cakacaka ni tovo vakayago, ka sa vakaoqo: A dauveibutakoci, na daudara, nai valavala tawa-savasava, na daugarogaro, na dausoro ki na veimatakau, na daucakaisausau, na dauveicati, na dauveileti, na veiqati, na daucudrucudru, na dauveiba, na veisei vakavuravura, na veisei ni lotu, na dauvuvu, na daumateni, na daumarau vakalialia, kei na veika sa vakakina: a veika oqo au sa tukuna vei kemudou, me vaka kau a tukuna makawa talega ni na sega ni rawata na matanitu ni Kalou ko ira era sa kitaka na veika vakaoqo.

Ni dou sa kacivi, na veiwekani, mo dou lalaga; ia dou kakua ni ia na lalaga me tubu kina na ka vakayago, ka dou ia tikoga na veivuke ni veilomani vakai kemudou.

Ni sa veivala na gagadre ni tovo vakayago kei na Yalo Tabu, a sa veivala na Yalo Tabu kei nai tovo vakayago: ia sa veimecaki koi rau oqo; dou sa sega kina ni cakava na veika dou sa vinakata.

Ni sa caka sara na vunau taucoko e na vosa e dua bau, oqo ga: Mo lomana na kai nomu me vakataki iko.

Me da kakua ni gadreva me da dokai walega, se veicudruvi, se veivuvutaki.

O koya mo dou qai tu dei e na lalaga sa vakalalagataki keda kina na Karisito, ka mo dou kakua ni vakataotaki tale e nai vua mo dou bobula kina.