Popular Bible Verses from مَتَّى 5

Share

وَ النَّاسْ مَا يِأَوْقُدُوا فَانُوسْ وَ يِدِسُّوهْ فِي تِحِتْ دَوْزَمْ لَاكِنْ يُخُطُّوهْ فِي بَكَانْ فَوْق أَشَانْ يِضَوِّي لِكُلَّ النَّاسْ الْفِي الْبَيْت. وَ مِثِلْ دَا، خَلُّوا نُورْكُو يِضَوِّي قِدَّامْ النَّاسْ. وَ خَلُّوهُمْ يِشِيفُوا خِدْمِتْكُو السَّمْحَةْ وَ يَشْكُرُوا أَبُوكُو اللّٰهْ الْقَاعِدْ فِي السَّمَاوَاتْ.

وَ إِنْتُو نُورْ لِنَاسْ الدُّنْيَا. كَنْ حِلَّةْ كَبِيرَةْ قَاعِدَةْ فِي رَاسْ حَجَرْ، مَا مُمْكِنْ يِلَبُّدُوهَا.

مَبْرُوكْ لِلنَّاسْ الْقَلِبْهُمْ طَاهِرْ أَشَانْ هُمَّنْ يِشِيفُوا اللّٰهْ.

مَبْرُوكْ لِلنَّاسْ الْعَطْشَانِينْ وَ جِيعَانِينْ لِلْعَدَالَةْ أَشَانْ اللّٰهْ يِشَبِّعْهُمْ.

وَ لَاكِنْ أَنَا نُقُولْ لَيْكُو حِبُّوا عَدُوكُو وَ أَسْأَلَوْا اللّٰهْ بِالْخَيْر لِلنَّاسْ الْيِتَعُّبُوكُو وَ يَطُرْدُوكُو.

«مَبْرُوكْ لِلنَّاسْ الْيَعَرْفُوا نُفُوسْهُمْ مَسَاكِينْ قِدَّامْ اللّٰهْ أَشَانْ مَمْلَكَةْ اللّٰهْ هِنْتُهُمْ.

مَبْرُوكْ لِلنَّاسْ الْيِجِيبُوا السَّلَامْ أَشَانْ اللّٰهْ يَجْعَلْهُمْ عِيَالَهْ.

مَبْرُوكْ لِلنَّاسْ الْحَزْنَانِينْ أَشَانْ اللّٰهْ يِصَبِّرْهُمْ.

مَبْرُوكْ لِلنَّاسْ الْيِتَعُّبُوهُمْ فِي شَانْ الْعَدَالَةْ أَشَانْ مَمْلَكَةْ اللّٰهْ هِنْتُهُمْ.

مَبْرُوكْ لِلنَّاسْ الْيَرْحَمَوْا أَخْوَانْهُمْ أَشَانْ هُمَّنْ يَلْقَوْا رَحْمَةْ مِنْ اللّٰهْ.

«مَبْرُوكْ لَيْكُو إِنْتُو وَكِتْ النَّاسْ يِعَيُّرُوكُو وَ يَطُرْدُوكُو وَ بِالْكِدِبْ يُخُطُّوا فَوْقكُو كَلَامْ شَيْن أَشَانْ إِنْتُو تَلَامِيذِي. أَفْرَحَوْا وَ أَنْبَسْطُوا زِيَادَةْ أَشَانْ أَجُرْكُو فِي السَّمَاءْ يَبْقَى كَتِيرْ بِلْحَيْن. أَشَانْ أَوَّلْ النَّاسْ تَعَّبَوْا الْأَنْبِيَاء الْجَوْا قُبَّالْكُو. وَ خَلَاصْ إِنْتُو كُلَ تَبْقَوْا مِثِلْهُمْ.

مَبْرُوكْ لِلنَّاسْ الضَّلُولِينْ أَشَانْ هُمَّنْ يَوْرُثُوا الْأَرْض.

«إِنْتُو مِثِلْ مِلِحْ لِنَاسْ الْأَرْض. وَ كَنْ طَعَامْ الْمِلِحْ بِقِي مَا فِيهْ، شُنُو يِقَبِّلَهْ؟ مَا عِنْدَهْ فَايْدَةْ وَ خَلَاصْ يِدَفُّقُوهْ بَرَّا وَ النَّاسْ يِفَجُّقُوهْ.

خَلَاصْ، أَبْقَوْا نَاسْ كَامِلِينْ مِثِلْ اللّٰهْ أَبُوكُو فِي السَّمَاءْ كَامِلْ.»

كَنْ كَلَامَكْ ‹أَيْوَى›، قُولْ ‹أَيْوَى›. وَ كَنْ كَلَامَكْ ‹لَا›، قُولْ ‹لَا›. وَ أَيِّ كَلَامْ الزِّيَادَةْ مِنْ دَا جَايِ مِنْ شَرّ إِبْلِيسْ.

«سِمِعْتُوا قَالَوْا: <عَيْن بِعَيْن وَ سِنّ بِسِنّ.> وَ لَاكِنْ أَنَا نُقُولْ لَيْكُو مَا تِقَبِّلْ الْفَسِلْ لِلنَّادُمْ السَّوَّى لَيْك الْفَسِلْ. وَ كَنْ نَادُمْ دَقَّاكْ فِي شِدْقَكْ الزَّيْنَةْ، أَنْطِيهْ الْإِسْرَةْ كُلَ.

وَ كَنْ عَيْنَكْ الزَّيْنَةْ تِدَوْر تَمُرْقَكْ مِنْ الدَّرِبْ الْعَدِيلْ، سِلَّهَا! أَزْقُلْهَا بَعِيدْ مِنَّكْ! أَشَانْ كَنْ وَدَّرْت شَيّءْ وَاحِدْ مِنْ جِسْمَكْ أَخَيْر لَيْك مِنْ يَزْقُلُوا كُلَّ جِسْمَكْ فِي نَارْ جَهَنَّمْ. وَ كَنْ إِيدَكْ الزَّيْنَةْ تِدَوْر تَمُرْقَكْ مِنْ الدَّرِبْ الْعَدِيلْ، أَقْطَعْهَا! أَزْقُلْهَا بَعِيدْ مِنَّكْ أَشَانْ كَنْ وَدَّرْت شَيّءْ وَاحِدْ مِنْ جِسْمَكْ أَخَيْر لَيْك مِنْ يَزْقُلُوا كُلَّ جِسْمَكْ فِي نَارْ جَهَنَّمْ.