Popular Bible Verses from مَتَّى 6

Share

وَ لَاكِنْ إِنْتُو قُبَّالْ كُلَّ شَيّءْ، خُطُّوا بَالْكُو فِي مَمْلَكَةْ اللّٰهْ وَ فِي الْحَالْ الصَّالْحَةْ الْاللّٰهْ يِدَوْرهَا وَ اللّٰهْ يَنْطِيكُو كُلَّ شَيّءْ هَنَا حَيَاتْكُو.

«مَا تِهِمُّوا لِكَلَامْ هَنَا أَمْبَاكِرْ. أَمْبَاكِرْ ذَاتَهْ يِهِمّ لِنَفْسَهْ. تَعَبْ هَنَا يَوْم وَاحِدْ يَكْفِي لِيَوْم وَاحِدْ.»

«وَ فِي شَانْ دَا، نُقُولْ لَيْكُو مَا تِهِمُّوا لِحَيَاتْكُو فِي شَانْ الْأَكِلْ وَ الشَّرَابْ وَ مَا تِهِمُّوا لِجِلِدْكُو فِي شَانْ الْخُلْقَانْ. الْحَيَاةْ مَا أَخَيْر مِنْ الْأَكِلْ وَلَّا؟ وَ الْجِلِدْ مَا أَخَيْر مِنْ الْخُلْقَانْ وَلَّا؟

وَ لَاكِنْ إِنْتَ، وَكِتْ تِدَوْر تِصَلِّي، أَمْشِي دَاخَلْ فِي بَيْتَكْ وَ سِدّ بَابَكْ وَ صَلِّي لِلّٰهْ أَبُوكْ الْمَا بِنْشَافْ. وَ أَبُوكْ اللّٰهْ الْبِشِيفْ الشَّيّءْ النَّاسْ مَا بِشِيفُوهْ، هُو بَسْ يَنْطِيكْ أَجْرَكْ.

«خَلَاصْ، صَلُّوا مِثِلْ الصَّلَاةْ دِي. يَا أَبُونَا الْفِي السَّمَاوَاتْ، خَلِّي يَعَرْفُوا كَدَرْ أُسْمَكْ قُدُّوسْ. خَلِّي مَمْلَكَتَكْ تَجِي. خَلِّي يِطَبُّقُوا كَلَامَكْ فِي الْأَرْض مِثِلْ طَبَّقَوْه فِي السَّمَاءْ.

أَنْطِينَا الْأَكِلْ الْيِتِمِّنَا كُلَّ يَوْم.

سَامِحْ لَيْنَا خَطَانَا مِثِلْ أَنِحْنَ قَاعِدِينْ نِسَامُحُوا النَّاسْ الْخِطَوْا فَوْقنَا.

مَا تِدِسِّنَا فِي التَّجْرِبَةْ لَاكِنْ نَجِّينَا مِنْ شَرّ إِبْلِيسْ. وَ لَيْك إِنْتَ بَسْ الْمُلُكْ وَ الْقُدْرَةْ وَ الْمَجْد دَايْماً وَ إِلَى الْأَبَدْ. آمِينْ.

«كَنْ إِنْتُو سَامَحْتُوا النَّاسْ الْخِطَوْا فَوْقكُو، اللّٰهْ أَبُوكُو فِي السَّمَاءْ يِسَامِحْكُو.

شِيفُوا الطُّيُورْ وَ فَكُّرُوا فَوْقهُمْ. هُمَّنْ مَا يِتَيْرُبُوا وَ لَا يَحَرْتُوا وَ لَا يَقْطَعَوْا وَ لَا يَخْزُنُوا وَ لَاكِنْ اللّٰهْ أَبُوكُو فِي السَّمَاءْ يِعَيِّشْهُمْ. وَ إِنْتُو مَا أَخَيْر زِيَادَةْ لِلّٰهْ مِنْ الطُّيُورْ وَلَّا؟

«مَا تُضُمُّوا الْمَالْ فِي الْأَرْض أَشَانْ هِنِي فِي الْأَرْض الْأَرْضَةْ وَ السَّقَرْ بِتَلُّفُوهْ وَ السَّرَارِيقْ يَدْخُلُوا يَسُرْقُوهْ. أَخَيْر تُضُمُّوا الْمَالْ فِي بَكَانْ اللّٰهْ فِي السَّمَاوَاتْ. هِنَاكْ الْأَرْضَةْ وَ السَّقَرْ مَا بِتَلُّفُوهْ وَ السَّرَارِيقْ مَا يَدْخُلُوا يَسُرْقُوهْ. أَشَانْ الْبَكَانْ الْمَالَكْ قَاعِدْ فَوْقَهْ، دَا بَسْ الْبَكَانْ الْقَلْبَكْ قَاعِدْ فَوْقَهْ.

«مَا مُمْكِنْ نَادُمْ يَبْقَى عَبِدْ لِسِيَادْ إِتْنَيْن. أَشَانْ هُو يَكْرَهْ الْأَوَّلْ وَ يِرِيدْ التَّانِي وَلَّا يِحِبَّهْ لِلْأَوَّلْ بِكُلَّ قَلْبَهْ وَ يَحْقِرْ التَّانِي. وَ إِنْتُو كُلَ، مَا تَقْدَرَوْا تَبْقَوْا عَبِيدْ لِلّٰهْ وَ عَبِيدْ لِلْمَالْ.

وَ كَنْ اللّٰهْ يِلَبِّسْ قَشّ الْكَدَادَةْ بِنُوَّارْ جَمِيلْ وَ الْقَشّ دَا قَاعِدْ الْيَوْم وَ أَمْبَاكِرْ يَقْطَعَوْه وَ يَزْقُلُوهْ فِي النَّارْ، أَكِيدْ اللّٰهْ يِلَبِّسْكُو إِنْتُو. شِدُّوا حَيْلكُو إِنْتُو الْإِيمَانْكُو لِسَّاعْ ضَعِيفْ.

لَاكِنْ إِنْتَ وَكِتْ تَنْطِي صَدَقَةْ، مَا تِخَلِّي إِيدَكْ الْإِسْرَةْ تَعَرِفْ الشَّيّءْ الْإِيدَكْ الزَّيْنَةْ قَاعِدَةْ تِسَوِّيهْ. وَ مِثِلْ دَا، وَكِتْ تَنْطِي صَدَقَةْ مَا تِخَلِّي نَادُمْ وَاحِدْ يَعَرْفَهْ وَ أَبُوكْ اللّٰهْ الْيِشِيفْ الشَّيّءْ النَّاسْ مَا يِشِيفُوهْ، هُو بَسْ يَنْطِيكْ أَجْرَكْ.

«أَوْعُوا بَالْكُو. كَنْ تِسَوُّوا عَمَلْ دِينْكُو قِدَّامْ النَّاسْ أَشَانْ تِدَوْرُوا هُمَّنْ يِشِيفُوكُو بَسْ، دَا مَا يَنْفَعْ. مَا تَلْقَوْا أَجُرْ مِنْ أَبُوكُو اللّٰهْ الْفِي السَّمَاءْ.

«وَ وَكِتْ تُصُومُوا، مَا تَرْبُطُوا وُجُوهْكُو مِثِلْ الْمُنَافِقِينْ. هُمَّنْ يِكَرْشُمُوا وُجُوهُّمْ أَشَانْ يِدَوْرُوا النَّاسْ يَعَرْفُوا هُمَّنْ صَايْمِينْ. نُقُولْ لَيْكُو الْحَقّ، مَا يَلْقَوْا أَجُرْ إِلَّا الشُّكُرْ اللِّقَوْه مِنْ النَّاسْ. وَ لَاكِنْ وَكِتْ إِنْتَ صَايِمْ، غَسِّلْ وِجْهَكْ وَ أَمْسَحْ رَاسَكْ بِعِطِرْ أَشَانْ نَادُمْ مَا يَعَرِفْ كَدَرْ إِنْتَ صَايِمْ إِلَّا أَبُوكْ اللّٰهْ الْمَا يِنْشَافْ. وَ أَبُوكْ اللّٰهْ، الْيِشِيفْ الشَّيّءْ النَّاسْ مَا يِشِيفُوهْ، هُو بَسْ يَنْطِيكْ أَجْرَكْ.