Popular Bible Verses from مَتَّى 26

Share

أَقْعُدُوا وَاعِيِّينْ وَ أَسْأَلَوْا اللّٰهْ أَشَانْ التَّعَبْ مَا يِجَرِّبْ إِيمَانْكُو وَ يِتَلِّفَهْ. أَشَانْ الْإِنْسَانْ عِنْدَهْ نِيَّةْ لَاكِنْ مَا عِنْدَهْ قُدْرَةْ.»

وَ قَالْ لَيْهُمْ: «أَنَا حَزْنَانْ مَرَّةْ وَاحِدْ لَحَدِّي نِدَوْر الْمَوْت. أَقْعُدُوا هِنِي وَاعِيِّينْ.»

وَ مَشَى قِدَّامْ مِنْهُمْ شِيَّةْ وَ سَجَدْ فِي الْأَرْض وَ سَأَلْ اللّٰهْ وَ قَالْ: «يَا أَبُويِ، كَنْ دَا مُمْكِنْ، خَلِّي كَاسْ التَّعَبْ دَا يِبَعِّدْ مِنِّي. لَاكِنْ خَلِّي يَبْقَى مِثِلْ إِنْتَ تِدَوْرَهْ وَ مَا مِثِلْ أَنَا نِدَوْرَهْ.»

دَا دَمِّي هَنَا الْمُعَاهَدَةْ الْجَدِيدَةْ الْيِدَفِّقْ فِي شَانْ نَاسْ كَتِيرِينْ أَشَانْ اللّٰهْ يَغْفِرْ لَيْهُمْ ذُنُوبْهُمْ.

وَ وَكِتْ قَاعِدِينْ يِلْعَشَّوْا، عِيسَى شَالْ خُبْزَةْ وَاحِدَةْ وَ شَكَرْ اللّٰهْ وَ كَسَرْهَا وَ أَنْطَاهَا لِتَلَامِيذَهْ وَ قَالْ: «شِيلُوهْ وَ آكُلُوهْ. دَا جِسْمِي.»

وَ شَالْ كَاسْ وَ شَكَرْ اللّٰهْ وَ أَنْطَاهْ لَيْهُمْ وَ قَالْ: «كُلُّكُو أَشَرْبَوْا مِنَّهْ.

وَ قَبَّلْ لِلتَّلَامِيذ وَ لِقِيهُمْ نَايْمِينْ وَ قَالْ لِبُطْرُسْ: «سَاعَةْ وَاحِدَةْ كُلَ مَا قِدِرْتُوا تَقْعُدُوا مَعَايِ وَاعِيِّينْ؟

وَ نُقُولْ لَيْكُو، مِنْ الْيَوْم أَنَا مَا نَشْرَبْ بَتَّانْ عَصِيرْ الْعِنَبْ لَحَدِّي الْيَوْم النَّشْرَبْ عَصِيرْ الْعِنَبْ الْجَدِيدْ مَعَاكُو فِي مَمْلَكَةْ أَبُويِ.»

وَ بُطْرُسْ فَكَّرْ فِي الْكَلَامْ الْعِيسَى قَالَهْ: «قُبَّالْ الدِّيكْ مَا يِعَوْعِي، تَنْكُرْنِي تَلَاتَةْ مَرَّاتْ.» وَ خَلَاصْ، بُطْرُسْ مَرَقْ مِنْ الْبَيْت وَ بَكَى بَكِي شَدِيدْ.

قُمُّوا نَمْشُوا! شِيفُوا، الْيُخُونِّي جَايِ!»

وَ عِيسَى قَالْ لَيَّهْ: «دَخِّلْ سَيْفَكْ فِي بَيْتَهْ أَشَانْ أَيِّ نَادُمْ الْيِسِلّ السَّيْف يُمُوتْ بِالْسَّيْف.