Popular Bible Verses from Rooma 6

Share

Achaan ujrat al-zanib, hi al-moot wa l-atiiye al-Allah yantiiha bala taman, hi al-haya al-abadiiye be Rabbina Isa al-Masiih.

Khalaas, al-zanib ma indah gudra foogku battaan achaan hassaʼ intu ma tihit churuut al-Tawraat laakin intu tihit rahmat Allah.

Wakit khattasoona, aniina mutna maʼa l-Masiih wa dafanoona maʼaayah. Wa misil abuuna Allah baʼas al-Masiih be gudurtah al-majiide, aniina kula nahyo maʼaayah be haya jadiide.

Ma tisallumu battaan ajsaamku le l-zanib misil aala al-yisawwu beeha al-charr. Laakin be l-aks, intu zaatku sallumu nufuusku le Allah misil naas al-baʼaso min ust al-maytiin. Wa sallumu ajsaamku le Allah misil aala al-yisawwu beeha al-kheer.

Naʼarfu kadar jisimna al-insaani al-gadiim maat maʼa l-Masiih fi l-saliib wa be da, al-jisim al-muznib addammar. Wa aniina ma nabgo battaan abiid le l-zanib

Wa be misil da, aʼarfu kadar intu kula muttu wa anfaragtu min gudrat al-zanib wa baʼastu wa bigiitu hayyiin le Allah be Isa al-Masiih.

Wa kan rahmat Allah kitrat ziyaada fi l-bakaan al-foogah al-zanib awwal kitir, aniina nisawwu chunu ? Hal waajib nagoodu battaan fi zunuubna achaan rahmat Allah tiziid foogna walla ? La, abadan ! Aniina mutna wa maragna min muluk al-zanib. Kikkeef niʼiichu foogah battaan ?

Taʼarfu adiil kadar kan tisallumu nufuusku le naadum achaan titaabuʼu kalaamah misil abiid, khalaas intu abiid le l-naadum al-titaabuʼu kalaamah da. Kan tabgo abiid le l-zanib da, al-zanib yiwaddiiku le l-moot wa laakin kan titaabuʼu kalaam Allah, hu yisawwiiku saalihiin.

Wa l-hamdulillah, awwal intu bigiitu abiid le l-zanib laakin hassaʼ titaabuʼu be kulla guluubku al-taʼliim al-Allah nazzalah leeku. Intu hurriin min al-zanib wa bigiitu abiid Allah al-saalihiin.