Popular Bible Verses from Rooma 5

Share

Laakin daahu kikkeef Allah wassaf leena mahabbitah al-kabiire. Wakit aniina lissaaʼna muznibiin, al-Masiih maat fi chaanna.

Wa l-acham da abadan ma yijiib leena al-eeb achaan Allah nazzal mahabbitah fi guluubna be l-Ruuh al-Khudduus al-hu antaah leena.

Wa ziyaada min da, nafraho kula fi l-taʼab al-yaji foogna achaan naʼarfu al-taʼab yantiina al-sabur. Wa l-sabur yichajjiʼ guluubna. Wa kan guluubna ligo chajaaʼa, indina acham.

Wa khalaas, bigiina saalihiin be sabab al-iimaan wa achaan da be Rabbina Isa al-Masiih, aniina gaaʼidiin be l-salaam maʼa Allah. Wa be l-Masiih bas, gidirna dakhalna fi l-niʼma di be l-iimaan al-aniina saabtiin foogha. Wa nafraho be l-acham al-indina achaan nalgo majd Allah.

Aywa, achaan fi l-yoom al-Allah gataʼah wakit aniina ma indina gudra ninajju nufuusna, al-Masiih maat fi chaan al-khaatiyiin.

Wa kan al-Masiih sawwaana saalihiin be daffigiin dammah, akiid hu yinajjiina min khadab Allah kula.

Wa naadum waahid isi Allah wa sawwa naas katiiriin muznibiin. Wa misil da battaan, naadum waahid taaʼ Allah wa sawwa naas katiiriin saalihiin.

Wa ziyaada min da, hassaʼ aniina gaaʼidiin nafraho be l-alaakha al-indina maʼa Allah be Rabbina Isa al-Masiih. Achaan be l-Masiih bas, aniina ligiina al-suluh.