Popular Bible Verses from Markhus 2

Share

Wa Isa simiʼ kalaamhum wa gaal : «Al-naas al-taybiin ma hawjaaniin daktoor, illa l-mardaaniin bas. Ana ma jiit achaan ninaadi al-saalihiin laakin jiit le ninaadi al-muznibiin le l-tooba.»

Wa Isa chaaf iimaanhum wa hajja le l-raajil al-mukarsah wa gaal : «Ya wileedi, zunuubak ankhafaro».

Wa Isa gaal leehum : «Allah khalag yoom al-sabt le l-insaan. Wa ma khalag al-insaan le yoom al-sabt.

Wa ma gidro yigarrubu le Isa be sabab al-naas al-katiiriin al-saddo leehum al-derib. Wa achaan da, rikbo fi raas al-beet wa gaddooh wa sawwo fatiig foog le l-bakaan al-Isa gaaʼid foogah. Wa khalaas dallo al-mukarsah be furaachah fi lubb al-beet.

Wa laakin nidoor intu taʼarfu kadar ana, Ibn al-Insaan, indi sulta fi l-ard achaan nakhfir le l-naas zunuubhum». Wa gaal le l-mukarsah : «Nuguul leek gumm chiil birchak wa amchi beetak».

Weenu al-hayyin nuguulah le l-maʼduur ? Nuguul : ‹Zunuubak ankhafaro› walla nuguul : ‹Gumm chiil furaachak wa ruukh› ?

Wa tawwaali al-raajil al-mukarsah gamma foog wa chaal birchah wa marag giddaamhum. Wa kulla l-naas alʼajjabo wa gammo yachkuru Allah. Wa gaalo : «Abadan ma chifna cheyy misil da».