Popular Bible Verses from Takwiin 39

Share

Wa Allah gaaʼid maʼa Yuusuf wa achaan da bas, kulla cheyy al-yisawwiih da, yanjah. Wa sakan fi beet siidah al-Masri.

Achaan da bas, Fuutifaar anta kulla cheyy al-indah fi iideen Yuusuf. Wa Fuutifaar ma yisawwi cheyy fi beetah, illa yaji yaakul bas. Wa Yuusuf sabi jamiil wa tuulah kula sameh.

Wa anta Yuusuf masʼuuliiyit kulla l-masaajiin fi iideenah wa kulla cheyy al-humman yisawwuuh illa be izin Yuusuf.

Wa karab Yuusuf fi l-sijin fi l-bakaan al-yidissu foogah masaajiin hana l-malik. Wa Yuusuf gaʼad fi l-sijin da. Wa fi l-sijin kula, Allah gaaʼid maʼa Yuusuf wa antaah rahma. Wa ligi rida min masʼuul al-sijin.

Wa baʼad ayyaam, marit siidah chaafatah wa gaalat leyah : «Taʼaal, argud maʼaayi.» Wa Yuusuf gaal leeha : «La ! Abadan ! Siidi ma yihimm be cheyy fi beetah. Antaani masʼuuliiye hana kulla maalah fi iideeni. Wa ma fi naadum fi l-beet da masʼuul ziyaada minni ana, illa siidi. Wa siidi zaatah ma yadharni cheyy, illa inti bas achaan inti martah. Wa da kikkeef nisawwi cheyy haraam misil ke ? Wa kikkeef nisawwi zanib misil da giddaam Allah ?»

Yoom waahid, Yuusuf dakhal fi l-beet le yakhdim. Wa l-khaddaamiin al-aakhariin ma fiihum. Wa marit Fuutifaar jaat karabat Yuusuf min khalagah wa gaalat leyah : «Taʼaal, argud maʼaayi !» Laakin Yuusuf talag leeha khalagah fi iideenha wa jara marag barra.