Popular Bible Verses from Táre-woo-ŋa 14

Share

Berei nyii ílâai la ǹɛ̂lɛɛi íkili ŋái, a lî a yá su-kara-pere su.

Lii lɛlɛɛ gôi-nuu kɔlɔi ponoɔ̂i, kɛ́lɛ tólo a kao sôli kɔlɔ-fela pìli núu ma.

Ǹúui ǹíi saâi gôi, maa nûui káa a táre-nuu, kɛ́lɛ líi-fãa goi-nuu a ŋɔƃoo-tuai lɛ̀.

Táre nɛni a ŋɔpɛ́rɛi mu kpɛ̀tɛ a ǹɛ́lɛɛ, kɛ́lɛ ƃoo-tua a pɛ́rɛ mu kàra.

Ǹúui a yâo Ɣâla Yâwɛɛ mai, kili kɛ-zu káa ǹyêei, dɔɔ̂i kpanaŋɔɔ ǹyaŋ ŋuŋ maa ƃô a pâi kɛ̂i ŋɔnîa-pɛlɛɛi yêei.

Ɣâla Yâwɛɛ ŋɔyao-maai káa yɛ̂ɛ fúlu-laa ya-toŋ, a núu kùla saa ŋɔƃáre ŋá.

Táre-nuu a yâo sɔnyɔ̂ŋ ma é bôlu fé mì, kɛ́lɛ ƃoo-nuu fa mɛni maa kpɛ̂ɛ gɛ́ pili zu.