Popular Bible Verses from Táre-woo-ŋa 12

Share

Lii-sɛlɛŋ a núu ŋɔlii-nɛ̃ɛi su kàra, kɛ́lɛ wóo lɛ́lɛɛ a núu líi nɛ̃ɛ.

Ǹúui nyii ŋ̀wɛ̂lii é kɛ́ a dáreɛɛi, ƃa ŋɔpɔara mɛni maai lɛ̀ ma, ǹíi a nɛ̃ɛ, kɛ́lɛ ƃoo-nuu fa ŋ̀wɛli dí ŋɔpɔara mɛni maai lɛ́ ma.

Ƃoo-woo a sôli yɛ̂ɛ ƃóa-sɔ̂kpɔ, kɛ́lɛ táre-woo a núu ƃàlo.

Ƃoo-nuu a gíli ŋá sìa a gɛɛ ŋɔmɛnii lɛ̂lɛi, kɛ́lɛ táre-nuu a lia-woo mɛni.

Ƃoo-nuu a ŋɔlii ŋwânai lɛ̀ a maa félaa. Kɛ́lɛ ƃa wóo nyɔ́mɔɔ ƃò táre-nuu ma, a mɛi sâa.

Nɛnî sɔŋ lɛ́lɛɛ a pâ a ƃaa-kɛ-maa ŋɔsurɔ̂ŋ pɔ́, kɛ́lɛ nɛnî nyii a ŋɔsurɔ̂ŋ ŋûmɛi, gáa yɛ̂ɛ núu-kao-su kɔlɔ-fela.

Lɛ́ɛ-nuu ƃɛlɛ fé Ɣâla Yâwɛɛ koi, kɛ́lɛ diai da tûa sãa kɛ̀i, ǹíi lâai dí mɛni ma.

Tɔ̃yâ-nuu ŋɔlia-wooi a gɔlɛ-maa-nuui téniŋ-tɔɔ, kɛ́lɛ ŋwana-lɔ̂ɔ-nuui ŋɔlia-wooi a gɔlɛ maa-nuui kùla bere lɛ́lɛɛi ma.

Tɔ̃yâ-woo káa nɔ́ naa wɔ́lɔ-wɔlɔ da wɔ́lɔ-wɔlɔ, kɛ́lɛ lɛ́ɛ-woo fa tûa.