Popular Bible Verses from Táre-woo-ŋa 11

Share

Ƃɛlɛ-see kɛ́-nuu a ƃɛlɛ-see támaa sɔlɔ ƃô. Ǹúui a kpɔ̂ŋ núu mai, a kpɔŋ-maa sɔlɔ ƃô.

Núu-nyii ǹyée foâŋɔɔi ma sɛŋ kɔlɛ mɛ̂ni mai, gɔ̃liŋ da a pû ma, núui nyii gala kpanaŋɔ̂i mai, ŋɔkôlo-laai a kɛ̂ nɔ́ ma.

Zu-mɛni kɛ̂tɛ-nuui a pâi ŋumɛ̂i, kɛ́lɛ táre a pâ ǹúui pɔ́ ǹíi maa yeŋɔɔ̂i.

Ƃɛ́i núu téniŋ-tɔɔ-ƃela dífe naai, ǹûai láŋɔɔ̂i naa, kɛ́lɛ à kɛ̀ núu téniŋ-tɔɔ-ƃela támaa da kɛ̀ kwaa ma nyii-ŋai da ǹûai lia-woo ƃòi, ǹûai da kpɔŋ-maa sɔlɔ ƃô.

Tɔ̃yâ-laa a pâ a fúlu-laa, kɛ́lɛ ŋwana-lɔ̂ɔ a fúlu-laa làŋ.

Ǹúui mɛni fa tɔ̂ɔ ǹái, dífa loo-mɛni ƃò ma, kɛ́lɛ tɔ̃yâ-nuu a núu ŋɔloo-mɛ̂nii mɛi pɛ̂lɛ.

Ǹúui a núu malôŋ kàai, a kpɔ̂ŋ gbîŋ ma, kɛ́lɛ ŋwana-lɔ̂ɔ-nuu a mɛni kpɔ̂lu tòli gbîŋ ma.

Ǹúui a gíli kɛ̀ ŋɔtɔɔ-sãai mai, a tôo yɛ̂ɛ láa kpâla, kɛ́lɛ tɔ̃yâ-nuu a pâi ƃɔlɔ̂i yɛ̂ɛ wúru nyii gáa tɔɔ̂ni yá kɔlɛi.

Tɔɔ-laa fa núu kùla Ɣâla ŋɔtɔŋ kpɛ́-maai yêei, kɛ́lɛ teniŋ ƃô-laa a núu ŋuŋ ma ƃò Ɣâla ŋɔtɔŋ kpɛ́-maai yêei.

Tɔ̃yâ-laa ƃa núu sãa téniŋ tɔ̀ɔ, kɛ́lɛ ŋ̀ôya-nuui ŋɔwôyai a gbîŋ pàa.

Nɛnî lɛ́lɛɛ nyii táre fé ŋuŋ sui, gáa yɛ̂ɛ ƃoi nyii gôo gbono káa zũâi.

Ɣâla Yâwɛɛ a ǹûai kpɔ̀ara diai da dí-sɛŋ kɔ̂ɔŋ-kɔli-ŋai ɣîrii, kɛ́lɛ ǹíi lâai dɔ̃yâ sɛŋ-kɔɔŋ-kɔli namelai yêei.