Popular Bible Verses from Lûu 11

Share

À kɛ̀ berei kákaa la a kásɔŋ nyɔ́mɔɔi, ká sɛŋ lɛ́lɛɛ tɛɛ-pere kɔlɔŋ kálônii pɔ, Káɣâla-taa-naŋ a pâi M̀ɔlêŋ Maa Waai tɛɛ̂i máŋ diai pɔ da vɛ̀li mai, é tɛ́ɛ nyíti ma.”

Ǹyaŋ ŋá m̀ó kâa, ka fɛli kɛ́, gɛ̀ ní, a pâi tɛɛ̂i kápɔ; ka gɔ́ri, gɛ̀ ní, ka pâi gáâi; ka gbôŋ tua, gɛ̀ ní, ǹá a pâi ƃôi kâa.

Kpɛ́ni fêi, ǹúui kélee a fɛli kɛ̂i, a zɔlɔ ƃô. Ǹúui nyii a sɛŋ kɔrîi, a gàa. Ǹúui a gbôŋ tûai, ǹá a pâi ƃôi mì.

Nya ƃe e mò dîa, ǹyɛɛi, “Kà kɛ̀ Ɣâla fɛlîi, ka m̀ó: “Kúnâŋ, tɔɔ ku ílaâi síɣe a maa waa. Tɔɔ íkâloŋ-laai e pa.

í ípôlu fé kútɔ̂ŋ karaa-ŋai dîa, yɛ̂ɛ bere la kwa kúpôlu fè la káƃarâa dítɔ̂ŋ-karaa-ŋai diai; tɔɔ kútuɛ kúfe pìli yee-laa-maa su.”

Í kúkɔ sâa a kúɣele-kuu tɔnɔ-tɔnɔ mii-sɛŋ

Káŋɛi ƃa kákponôi ŋɔlaŋpoi; à kɛ̀ káŋɛi à kwaa kâa a ǹɛ́lɛɛ, gɛ̀ ní, kákponôi kélee láa fɛɛ̂i a kwaa-ponoɔ; kɛ́lɛ, káŋɛi à kɛ̀ a nyɔ́mɔɔ, gɛ̀ ní kákponôi láa fɛɛ̂i a kpini.

“Núu da fa pɔ̂ri laŋpo tɔɔ̂i e zee loo-kwaa ma, kpaa máŋ e zee kpɔ̂lɔ mu. Kɛ́lɛ, a zèe zɛŋ da mɛi a gɛɛ ǹûai lɔ̂i, dí gwaa-ponoɔi káa.