Popular Bible Verses from Azaya 30

Share

Kà kɛ̀ sia-siâi, ka kɛ́ tɛ̀ ká kɛ́ yèŋ, ka pâi kɛ̂i ŋ̀óo mɛnîi kápôlu-pere, gɛ́ káteniŋ tɔ̀ɔ ǹyɛɛ kâai, “Berei ká ŋí, ka tɛɛ la.”

Maloŋ-kâa káa Yâwɛɛ yêei kámɛni ma. A ŋ̀wɛ̂lii é kámalôŋ káa, kpɛ́ni fêi, pɔara-mâa fé gɛ́-mɛni da kélee su. Lûwa káa diai dîa díkili tɔɔ-maai kélee káa Yâwɛɛ mai.

Ǹuu-namui Yâwɛɛ, Eezuɛ Ŋɔɣâla Maa Waai è m̀o ǹyɛɛi, “Kà láa a ńyãa. Kà gɛ̀ tí, káŋuŋ ma a pâi kɛ̂i a m̀óɔɔ kákponôi kpanaŋɔɔ.” Kɛ́lɛ káfe gɛ̂i tí.

Yâwɛɛ a pâi gɛ̂i ka tɛ́ɛ mɛni kpɔ̂lu támaa su. Vé pâi wɔ́lɔ gbîŋ loôi kâa.

Káai a Zerusâlɛŋ-ƃelai, káfe pâi wɔ́lɔ ŋɔ́nɔ wɔ̂lɔi. Yâwɛɛ káa a maloŋ-kâa Ɣâla. Kà wɔ̀lɔ m̀a, a pâi káŋa nɛnɛ̂i.

Yâwɛɛ è m̀o ǹyɛɛi, “Kpalo-ƃêlai Zuda lɔii láa túɛ-ƃelai dîa, kpɛ́ni fêi, dí tɔɔ̂i ḿâ. Da mɛni kpɛtɛ́ɛ-ŋa kɛ̀ dífa díŋuŋ ma pìlaŋ a ńyãa. Da lɔii-ŋuŋ da kpɛ́ni-ŋa da mɛni kpɛ̂tɛ díkîɛ-ni loai dífa mò ḿâ. Díkaa nɔ́ niî dísɔnyɔ̂ŋ pûi gîe mɛi.