Popular Bible Verses from Zia-ƃelai Kɛ́-mɛni-ŋai 1

Share

Kɛ́lɛ, ka pâi wála-wala sɔlɔ ƃôi a tãi M̀ɔlêŋ Maa Waai a pâ la kápɔi. Ka pâi kɛ̂i a ŋásere-ŋa Zerusâlɛŋ, Zuda gwaa kélee, da Sameria, é too máŋ ǹɔii koyâŋ ma.”

È mò dîa, ǹyɛɛi, “Ǹaŋ-nuui m̀ɛnii ŋí maa wála-wala káa ǹyêei.

Da dîa-ni díkɛɛ kɛ̀ díkîe mai, è mò dîa ǹyɛɛi, “Káfè kùla Zerusâlɛŋ. Ka lɛɛ naa ká Ǹaŋ-nuui ŋɔkono-têe-wooi maa kpɛ́ŋ, nyíi è mò, ǹyɛɛ, ‘Ká mɛ̀ni ńa.’ Zɔ̂ŋ è batâi kɛ̀ a yá. Kɛ́lɛ, nàa fé pâi tûai, da pâi kábatâi kɛ̂i a M̀ɔlêŋ Maa Waai.”

È gbîŋ lɛ̀ dîa a tɔ̃yâ pere sii támaa su ŋɔmɛni soli-káai pôlu ma nyíi ǹɛ dîa a gɛ́ɛ gáa a vúlui. Zaa ɣele kûu buu náaŋ pôlu ma, è kùla díŋɛi a ɣele kûu támaa, é lóno dípɔ é pîlaŋ Ɣâla ŋɔkâloŋ-laai ma.

Gɛ́ɛ a nyíŋi ƃói, dí lɛ̀ɛ gâai e tɛ ŋ̀elei su ŋ̀ele-kɔlɔŋ kolei è gula díŋɛi.

Díkɛɛ Zîsɛ kâai kɛ̀ tɛ̂i ŋ̀elei sui, núu feerɛ díkɛ̀ tɔ̂ɔni díkɔlɛ seɣe kole kɛ́ ƃo dîa, dîyɛɛ dîai, “Galalii-ƃela, lé ƃé ka tɔ̂ɔni kákɛ ŋ̀elei su kàai? Zisɛi ŋí tɛ̀ ŋ̀elei sui, a pâi pâi nɔ́ bere sîi tɔnɔi ŋí su ká gàa la gɛ́ tɛ̀ ŋ̀elei sui.”