Popular Bible Verses from Zɔ̂ŋ Maa-ŋuŋ 4

Share

Yao fé wɛli-kɛ-maa sú. Kɛ́lɛ, tɔ̃yâ-wɛli-kɛ-maa a yao kpɛ́. Kpɛ́ni fêi, yao a pâ a tɔŋ-kpɛ́-maa, ǹyaŋ ǹúui ǹyaoɔ̂i m̀aa fé waa ni wɛli-kɛ-maa su.

Nîa-pɛlɛɛ, kákaa a Ɣâla pɔ́ɔ. Ka díyee mɛi ɣále. Kpɛ́ni fêi, ǹúui gáa kákponôi, gɛ́tɛ̂i é tɛɛ ǹúui mâ gáa ǹɔii sui.

Wɛli-kɛ-maa káa kúyêei, kpɛ́ni fêi, ǹyaa fulɔi è kúwɛ̀li.

Ŋáwɛli-kɛ-maa-ƃelai, kwaa kúkîe-ni wɛ́li. Kpɛ́ni fêi, wɛli-kɛ-maa káa a Ɣâla pɔ́ɔ, ǹyaŋ ǹúui wɛli-kɛ-maa káa gbonôi, gáa a Ɣâla ǹóŋ, gɛ ƃô a Ɣâla kɔ́lɔŋɔɔ.

Ǹúui wɛli-kɛ-maa fé gbonôi, vé Ɣâla kɔ́lɔŋ. Kpɛ́ni fêi, Ɣâla káa a wɛli-kɛ-maa.

Dɔ̃yâ-wɛli-kɛ-maai kpîŋ fa a gɛɛ kú Ɣâla wɛ́li ni. Kɛ́lɛ, dɔ̃yâ-wɛli-kɛ-maai kpîŋ ƃa Ɣâla è kúwɛli ni. Ǹyaŋ è Ǹóŋ tɛ̀ɛ a gɛɛ é kɛ́ a kúsɔnyɔ̂ŋ maa-sala-sɛŋ.

Ŋáwɛli-kɛ-maa-ƃelai, à kɛ̀ Ɣâla è kúwɛ̀li a bere-sii ti, fɛ̂ɛ kúa máŋ kú kúkîe-ni wɛ́li.

Berei-sii ŋí ƃe Ɣâla è ŋɔwɛli-kɛ-maai lɛ̀ naa kûa. È Ǹóŋ tɔnɔi tɛ̀ɛ ǹɔii su a gɛɛ fulu-laa é kɛ́ kúyêei zarâi.

À kɛ̀ núu da à mò, ǹyɛɛ, “Ŋá Ɣâla wɛ́li ní,” kɛ́lɛ, é gɔlɛ-ma-nuui kpɔara, gáa a lɛ́ɛ-nuu, kpɛ́ni fêi, ǹúui vé gɔlɛ-ma-nuui wɛ́li ní, nyíi a gáai, va pɔ̂ri Ɣâla wɛ̂lii, nyíi vé niî gáa níi.

Ǹúui kélee a mò a gɛɛ Zîsɛ káa a Ɣâla Ǹóŋ, Ɣâla káa gbonôi, ǹyaŋ gɛ ƃo Ɣâla kponôi.

Ǹyaŋ kú dɔ̂ŋ ŋí kùla ǹyêei, a gɛɛ ǹúui à Ɣâla wɛ̀li, fɛ̂ɛ nɔ́ é gɔlɛ-ma-nuui wɛli máŋ.

Ŋáwɛli-kɛ-maa-ƃelai, káfe làa a mɔ̂leŋ kélee, kɛ́lɛ, ka mɔ̂leŋ-ŋai kɔɔ̂ŋ, ká gáa à kɛ̀ díkaa a Ɣâla pɔ́ɔ. Kpɛ́ni fêi, Ɣâla-maa-wôya lono-kɛ-ƃela támaa da lí ǹɔii su. Bere-sii ŋí ƃe ka pɔ̂ri Ɣâla Ŋɔmɔ̂leŋ kɔ́lɔnîi la. M̀ɔlêŋ kélee a mò a gɛɛ Zîsɛ Kôrai è pà núu-kpune kponôii, m̀aa-nuui káa a Ɣâla pɔ́ɔ.

M̀ɔlêŋ nyíi kélee va Zîsɛ maa-mɛni ƃòi, vé a Ɣâla pɔ́ɔ. Kôrai ŋɔtɔɔ-maa-nuui ŋɔmɔ̂leŋ ká tí nyíi ka m̀ɛni a gɛɛ gáa pâi. Gáa nâa ǹɔii su.