Popular Bible Verses from Sal 31

Share

Eh koowjoq taq ak'ux i hat, maa rub'an taq kiib' ak'ux, ruum ruuk' i QaJaaw Dios taq aye'em awánima.

Re' nuk'achariik panaq'ab' wilik, kinako'leej pan kiq'ab' i ki-ixowanik nuwach, re' i kib'anik ti' k'axik weh.

QaJaaw Dios, re' hat yohb'aal wach aawotob'il i nayeew chikinaah i kiyohlinik aweh. Eh inak'uhtaaj chikiwach i tinamit chi korik chi nak'ax taqe inkiyeew kik'ux awuuk'.

Xa re' la', re' hin Jaaw, awuuk' i hat i nuyeew i nuk'ux, ruum weht'al chi re' hat, hat nuDios.

Eh hat paat ab'aj ko'lemb'al iib' chi weh i hin, ruum xa re' wo' hat ti ko'linik weh. Ruum aj re' chak'am tii nub'eeh ruuk' aak'axb'al.

QaJaaw Dios, re' hin panaq'ab' i nuq'asaj i wánjel nut'iosil. Eh inwaaj chi nee kinawesaj pan k'axik, ruum xa re' wo' hat, i hat i korik laj Dios.

Re' taq i hat santo laj aj nimaneel cha k'ax taq i QaJaaw ruum re' reh incha'jinik keh i korik wach kik'ux. Eh re' taqe i nimaq kiwach i ruyeew taqe chutojariik i kimahk nik' wach i ruk'ul chi keh.

QaJaaw Dios, xa awuuk' wo' hat i nuyeew nuk'ux, ruum i nayeew weh i nupahqaaj aweh. Re' hat nee kinako'leej ruum korik wach ak'ux.