Popular Bible Verses from Prov 22

Share

Chatijej i ha'lak'un paruk'isinal, eh noq neenrijb'ik ma' nee ta nsahchik paruk'ux.

Re' i loch'oj iib', re' i ruyohljiik i QaJaaw Dios, b'ehomal, runimaal wachiis, eh suq laj k'acharik i ruk'am chaloq.

Awach i holohik rib'iral, xiik' naah k'ihaal tz'aaq chuwach i b'ehomal. Eh wila' holohik inq'orarik chi riij, xiik' naah k'ihaal tz'aaq chuwach i oro, i plata.

Maak'am taqe chi awamigo, eh ni xata nee nawuhch'ihleej taqe i q'e' josq', je' wo' taqe i ma' holohik ta kib'anik

Awach i wilik i ketelinik wachiis ruuk', eh i runej i ruwa' i ma' xta wilik reh naa ruk'ulum i rotob'il i Dios.

Re' i wilik runa'ojb'al i rukoj rehtaal aha' wilik i yohb'aal, i rukotej riij. Eh re' i ma' xta runa'ojb'al, ma' rukoj ta rehtaal, ko q'ehb'inaq chik ar noq irik'raaj.

Re' b'ehoom intaaq'anik chinaah i neb'aa'. Re' inye'wik i kemeel intaaq'anik chinaah i aj kemeel.

Re' i neb'aa', i b'ehoom xa jinaj kiwach, re' i QaJaaw Dios xyej-anik keh kikab'cheel.

Maaq'uch i chib'ih reh i neb'aa', mo'-oq xa re' inawil chi xa neb'aa' tii. Eh maaq'uch chib'ih reh pan q'atb'al q'orik i ma' xta neeruko'leej wii' riib', ruum re' i QaJaaw Dios naa ruko'liniik keh. Eh awach i naa ruq'uchwiik i chib'ih keh naa ruq'uchariik i chib'ih wilik kee keh.