Popular Bible Verses from Prov 21

Share

Awach i rusik' i korik, eh inketelinik wachiis nee rureq i holohik laj k'acharik, nee wo' inye'arik runimaal wach.

Re' taqe inkorjik wach chi kapeb'imaj riij chi korik, wilik i ruk'am chaloq. Eh re' taqe i xa pan ajiim b'eeh imb'aan, xa nooj sahchoq wach.

Awach i korukapaaj riij taqe ruq'or, ma' jaruuj nee ruyeew riib' pan k'axik.

Re' winaq xa chu'nchel ma' xta reet i rub'an noq i rukapaaj. Xa re' la', re' i QaJaaw Dios ineht'alinik reh chib'ih i wilik cho pan ánima.

Re' winaq i ruyejaa' i rukawayu reh i q'aq'inik, re' QaJaaw Dios i ruyeew i rajaawriik chi nee nelik korik ruuk' i q'aq'inik.

Re' rub'aan i korik, i rub'ehel, imponik chuwach i QaJaaw Dios, ma' je' ta rukab' i xa k'atoj mayiij.

Chuwach i QaJaaw Dios ma' xta jino'q na'ojb'al nim wach, ni xata jino'q holohik laj kapeew.

Awach i ma' i rutoob'eej i neb'aa' noq i rupahqaaj rutoob'jiik, ma' naa ta wo' rutoob'jiik i reh noq naa rupahqaam rutoob'jiik.